قلقت حور وخافت و ارتبكت وبلعت ريقها بخوف.. فتح لؤى الرسالة و نظر للمحادثة كلها... وقف بغضب وقال لحور وهو يجز على أسنانه: سالم بيكلمك لي يا حووور
قلقت حور و وخافت وقالت: م.. معرفش أنا لقيته باعتلى
لؤى بغضب: ومقولتليش لييي.. وليه مش عملتيله بلوك
حور بقلق: انا.. انا قولت انى مش هرد عليه ومرضتش اقولك عشان شوفت ان الموضوع مش مستاهل و هو اتكلم.... لؤى مقاطعا لها بغضب: اييي.. الموضوع ايي.. لاء طبعا يستاهل إزااى متقوليش انه كلمك
حور: لؤى الموضوع فعلا مش مستاهل متكبرهوش
لؤى بسخرية: هه مكبرهوش.. هو أنتى لسا شوفتى حاجه أصلا
حور بقلق: لؤى.. والله مش قولتلك عشان هو كان بيكلمنى عادى بس والله انت اهو فى ايدك التليفون شوف الشات تانى هتلقيه بيبعت وانا مبردش اصلا
لؤى بتوعد: اشوف سالم بس
خافت حور وخشيت ان يفعل لؤى شئ معه و يقطع رزقه.. فقالت بسرعة: لاء لاء لؤى متقربش منه
لؤى بضيق: وليه خيفا عليه كدة
حور بترجى: لؤى هو معملش معايا اى تصرف غلط وهو كويس فبلاش تقطع عيشه و رزقه.. وغير كدة معلش هتحسبه لي؟.. هو مش المفروض اننا مش متجوزين قدام الناس؟
زفر لؤى وقال بغضب: يوووه بقى.. هو انتى ليه مش عيزا الناس تعرف اننا متجوزين يا حور
حور: كدة
لؤى: لاء لازم اعرف ليي اي السبب
حور بضيق: لؤى كدة وخلاص
لؤى: لو مقولتيش لي يا حور هعرف الناس اننا متجوزين
حور بترجى: لاء يا لؤى لاء
نظر لؤى ببنيتيها فوجد فيهما خوف وقلق.. فقال بأستنكار: لي يا حور أنا عايز أفهم لي؟!.. هل عشان انتى مش بتحبينى!
حور: لؤى.. انت مش زي انت صاحب شركات و رجل أعمال.. أما أنا فمجرد بنت عادية من بيئة و منطقة عادية.. وغير كدة أنا كنت جليستك.. ولما الناس تعرف اننا اتجوزنا.. مفكرتش ولو للحظة هيبوصلي ازااى؟!.. أكيد هيطلعوا عليا كلام انى مش كويسة و نصابة ومن ده كتير يا لؤى
لؤى بغضب: ايه الى بتقوليه ده يا حور
حور: الى هيتقال يا لؤى.. وغير كدة.. أنا منفعش اكون زوجة لرجل أعمال يا لؤى
لؤى: وده ليه ان شآء الله
حور: انت مش شايف زوجات أصحابك و رجال الأعمال الى زيك عاملين ازاى!؟.. لا انا زيهم ولا هم زى
لؤى: قولتى الى عندك خلاص.. حور سيبك من كلام الناس وانتى مأفورة قوي يا حور مش للدرجاتى.. وغير كدة يا حور أنا مليش دعوة بزوجات أصحابي او الكلام ده ولا يفرقوا معايا أصلا.. و انتى يا حور شرف ليا انك مراتى انا
نظرت له حور ولم تعرف كيف ترد على كلماته التى رقص قلبها فرحة منها...
لؤى: المهم.. اعملى للأسمه سالم ده بلوك.. ولو كلمك تانى او اي حد كلمك قوليلى.. عرفا لو مقولتليش
حور بإبتسامة: خلاص ماشي.. بس متعملش ليه حاجه
نظر لؤى للأعلى و قال بمكر: ماشي.. يلا بقى مش هتنامى
حور: لاء هروح أقعد مع رقية ورانيا.. اه صح انت عرفت منين ان دى انا
لؤى: حور ده رقم رانيا.. هى اه يعتبر مش بتستعمله بس هو محفوظ عندى اصلا عشان كان رقم ادهم
حور: ماشي يا رانيا
لؤى بإبتسامة: بقى معقولة بتختبري حبي ليكى يا حور
شعرت حور بالخجل ولم ترد عليه فقال لؤى بحب: حور أنا بعشقك لدرجة انك لو طلبتى روحى منى هديهالك
نظرت حور لعيناه بخجل و دق قلبها.. وقالت فى نفسها: للدرجادى يا لؤى
رفع لؤى يده و وملس على وجنة حور الناعمة ظلت حور شاردة بزرقاوتيه و ينتابها شعور لا تعرف ما هو.. قال لها لؤى بصوت عاشق: بحبك
زادت ضربات قلبها و أحمرت وجنتيها بشدة فأصبحت كالورد الجورى الأحمر.. ولم تعرف كيف تتصرف فقالت بتهرب: اا.. ر.. رقية.. عيزانى.. يلا سلام
وبعدها هربت و خرجت خارج الغرفة بسرعة و هى واضعة يدها على وجهها من الخجل.... ابتسم لؤى.. وذهب وأكمل عمله على اللبتوب خاصته..........
أنت تقرأ
آنآرت ظـلمـتى ♥
Dragosteهى لطيفه محبوبه رقيقه جميله الملامح و جميله الروح بصوت و عيون ساحره... هو عاجز عن الرؤيه و الحركه بعد الحادث الأليم فهل ستنجح ف أن تنير حياته بعد انطفائها و تبث فيها الحياه من جديد ام ستفشل كما فشل من قبلها هل حقا تستحق ان تكون روايتها باسم"انارت ظل...
