آنآرت ظـلمـتى ♥

بارت 27

اتسعت أعين زياد ودلال من الصدمة.. وشعر زياد بأن الدنيا ستظلم أمامه فقال بصدمة: اي!!
نظر له لؤى ببرود وقال: أنا هرجع للشركة تانى يا زياد و هتولى مسؤليتها.. اي مش عجبك او حاجه
حاول زياد عدم التظاهر بالغضب و الانزعاج فقال: لاء مش قصدى.. بس يا لؤى إزاى؟!
لؤى: عادى هشتغل من البيت هنا.. من على اللاب.. مجتمعات و مؤتمرات هكون مشارك فيهم فديو كول
شعر ادهم و فريال و رقية و مرام بسعادة شديييدة.. أما حور فلم يعنى لها هذا الأمر كثيرا وكانت تراه أنه عادياً.. قال ادهم بسعادة: بجد والله مش مصدق وأخيرا يا لؤى ياااه بجد الحمدلله
فرح الجميع له عدا دلال و زياد ... كانت أشعة الحسد و الحقد تخرج من عين دلال تجاه لؤى وقالت فى نفسها بحقد: لاء يا لؤى مش هسمحلك ترجع للشركة دى تانى
أكمل الجميع إفطارهم بعضهم بسعادة وبعضهم بغير نفس..... أستأذن ادهم وغادر للشركة.. أما رقية فذهبت لجامعتها و ذهبت مرام للشركة.......

فى غرفة لؤى......
كان لؤى جالساً على فراشه و كان أمامه اللابتوب وكان يكلم أحداً ما مكالمة فديو...
قال لؤى وهو مبتسم: مش عارف اقولك ايه بجد يا سالم بس حقيقى شكرا ليك
سالم: لاء الشكر لحضرتك يا لؤى بيه.. احنا فى انتظارك بجد ان شآء الله كدة تقوم لينا بالسلامة وترجع لكرسيك
لؤى: ان شآء الله
أخذا يتحدثان فى أمور عديدة تخص الشركة.. بعد قليل دخلت حور وهى ممسكة كوب قهوة... لم يلاحظ لؤى دخولها لأنسجامه مع سالم.... اقتربت منه حور وقالت بضيق: اتفضل.. نظر لؤى لها و أخذ منها الكوب بضيق.. ثم استأذن من سالم أغلق المكالمة... نظر لحور بضيق وقال لها: مش شيفانى بتكلم فديو كول
حور: لاء مكنتش اعرف.. وبعدين مش انت طلبت قهوة
تنهد لؤى بضيق وقال لها: لما تشوفينى بتكلم كول ياريت متقربيش نحيتى و مطلعيش صوت
جمعت ذراعيها وقالت بغضب طفولى: ليه بقى
لؤى: لما اقولك كلمة تقولى حاضر وبس سمعا
حور بعناد: لاء لاء لاء
حاول لؤى ان يسيطر على غضبه.. ثم قال لها: عرفا يا حور هيجي يوم وتقعى فى ايدى و والله هندمك على كل أستفزازك ليا بجد
حور ببرود مستفز: وانا بقى عيزا اليوم ده يجى
نظر لها لؤى بغضب... اما حور فتنهدت و قالت له بضيق: ده معاد دواك يلا عشان تخده... ثم فتحت احدى الأدراج واخرجت منها أقراص الدواء وأعتطه له... أخذها لؤى... دخلت فريال عليهم الغرفة.. واقتربت من لؤى وقالت له:لؤى أنا كلمتلك معالج طبيعى جديد بدل كريم
لؤى بجدية: راجل!؟
فريال بتعجب: اه يا لؤى ليه فى ايه؟!
لؤى: مش عايز رجالة يا عمتى خليها بنت احسن
حور فى نفسها: حقيقي مغلطش لما قولت قليل الادب
فريال: طب ما أنا كلمت الدكتور واتفقت معاه
لؤى: معلش يا عمتى بس كلمى دكتورة احسن
فريال بتنهيدة: خلاص الى تشوفه يا لؤى... ثم نظرت لحور بحزن و كانت ستخرج ولكن حور استوقفتها قائلة: طنط فريال
التفتت فريال و قالت بصوت حاولت ان يكون جافاً: نعم
اقتربت منها حور وقالت: أنا أسفة حقك عليا
فريال: لاء يا حور أنا زعلانة منك جدا ومن لؤى كمان
لؤى: بصي يا عمتى أنا هحكيلك الموضوع حور بتحبنى
نظرت له حور بغضب.. ولكنه أكمل وقال: وهى بقى لما ملقتش اي رد منى قالت انها هتوافق انها تتجوز كريم عشان تغيظنى يعنى و كدة و تخلينى اعترف بحبي ليها و فعلا ده الى حصل
حور فى نفسها: ده انت كان المفروض تطلع مؤلف بجد
فريال: بس يا لؤى.. كريم
لؤى: يعنى انى احسن واحد يزعل شوية ويرجع عادى ولا تلاتة تتدمر حياتهم
فريال: خلاص يا ابنى اقنعتني... واقتربت من حور و أمسكت بكفيها وجهها وقالت بحب: أنا بردو مقدرش ازعل من حور كتير كدة.. ثم نظرت للؤى وأكملت: بالرغم من انى كنت زعلانة منكم إلا انى والله كنت مبسوطة ليكوا جدااا... بس انا حسيت ان كتب الكتاب كان عادى.. كان نفسي كتب كتابك يا لؤى يبقى خرافة بس يلا الحمدلله.. المهم انك أختارت صح.. وحقيقي أنا فرحااانة بجد... طب يا ولاد مش هتقرروا الفرح امتا
لؤى: لما اتعافى يا عمتى ان شآء الله
حور فى نفسها: اي!!.. فررح.. لاااااااا
فريال بإبتسامة: ان شآء الله يابنى.. يلا أسيبكم بقى مع بعض شوية انتو بردو لسا متجوزين وكدة.. اتعرفوا على بعض اكتر... قالت هذا وخرجت بعدها من الغرفة و أغلقت الباب........
قالت حور له بغضب: فرح!!.. فرح ايه يا لؤى
لؤى ببرود: فرحي أنا وانتى يا حور
حور بغضب: والله!!
لؤى: هو مش المفروض ان الناس تعرف اننا متجوزين.. وبعدين اول مرة اشوف بنت مش عيزا تعمل فرح
حور: عارف ليه.. بيكونوا عايزين يعملوا فرح عشان هيتجوزوا شخص هم بيحبوه
شعر لؤى بكسرة بقلبه وألم شدييد سببته كلمات حور بداخله ولكنه تظاهر بالبرود وقال: هعمل الفرح ده غصب عنك
حور بسخرية: ايوة هه ما زى ما اتجوزتنى غصب عنى هتعمل فرح غصب عنى كمان... بس عارف يا لؤى كريم الى انت خونته ده احسن منك على الأقل مغصبنيش على حاجه.. مش زيك
شعر لؤى وكأن دماؤه تفور منه من الغضب وقال بصوت زئير الأسد: متجبيليش سيرته يا حووور
خافت حور منه ولكنها حاولت التماسك والتظاهر بالقوة وقالت ببرود: ليه بقى ان شآء الله
لؤى وهو يجز على أسنانه: امشي من وشى يا حور عشان مزعلكيش منى بجد
حور ببرود: ايوة هتعمل ايه بردو
نظر لها بتوعد وغضب وقال: استنى عليا بس لما اتعافى يا حور والله والله لأوريكى
حور بتنهيدة: ايوة أنا عيزا اشوف بقى هتعملى ايه
نظر لها بغضب.. أما حور فنظرت له بتحدى و برود و غادرت الغرفة................