Her confession
ប្រុសស្រីមួយគូអង្គុយទល់មុខគ្នា លួចដៀងភ្នែកទៅគ្នាទៅវិញទៅមក ដោយមិនព្រមមាននរណាម្នាក់ព្រមហារមាត់និយាយរកគ្នាសូម្បីតែមួយម៉ាត់។ ម្នាក់ៗ មានទឹកមុខដូចគេយកទៅបាញ់ចោល មិនប្រាប់ក៏ដឹងថាការមកណាត់នេះ ព្រោះតែការបង្ខំពីចាស់ទុំទាំងសងខាង។
«ខ្ញុំមានមនុស្សដែលខ្ញុំស្រលាញ់ហើយ តែដោយសារគ្រួសារខ្ញុំមិនអនុញ្ញាតអោយសេពគប់គ្នា...ខ្ញុំសង្ឃឹមថាអ្នកនាងយល់»
«តែយ៉ាងណាចាស់ៗគាត់បង្ខំទៅហើយ លោកអាចធ្វើជាបណ្តើរខ្ញុំមួយរយៈសិនបានទេ ទម្រាំដល់ពេលនោះ ខ្ញុំនឹងប្រាប់លោកយាយថាពួកយើងមិនចុះសម្រុងនឹងគ្នា...លោកក៏ដឹងថាពួកគាត់នឹងបន្តដាក់កំហិតអោយយើងពីរនាក់ទៅដេតអ្នកផ្សេងដដែលហ្នឹង»
«នាងនិយាយត្រូវ តែខ្ញុំមិនចង់អោយមិត្តស្រីយល់ច្រលំ!»
«អធិប្បាយប្រាប់នាងទៅ! ខ្ញុំធ្វើជាស្រមោលជំនួសមិត្តស្រីលោកក៏បាន! លោកអាចណាត់ជួបនឹងមិត្តស្រីលោកដោយយកឈ្មោះខ្ញុំមកអាងបាន យ៉ាងម៉េចដែរ?» នាងទាល់តម្រិះមែនទែន ទើបសុខចិត្តចុះទន់សំណូមពរគេដល់ថ្នាក់នេះ។
«ហឹម...យល់ព្រម!»
«...» ហ្វ្រេនដា ញញឹមនឹងចម្លើយរបស់ភាគីម្ខាងទៀត ទីបំផុតបញ្ហារឿងលោកយាយនាងត្រូវបានដោះស្រាយ។
__
ព្រឹកថ្ងៃថ្មី រាងតូចច្រឡឹងនិងកូនចៅសង្ហាររបស់នាងដើរត្រួតពិនិត្យគ្រប់ផ្នែកផ្សេងៗនៃរីហ្សត ដើម្បីមើលថាមានកន្លែងណាត្រូវជួសជុល ឬត្រូវការដេគ័របន្ថែមទៀតឬអត់។
«កែសម្រួលឡប់ប៊ីឡើងវិញ អាងហែលទឹក និងកន្លែងស្ទីម...»
ហេនឌ្រិក៍ ចុចប៉ុបប៉ាប់លើថាប្លេតរបស់គេ ដើម្បីកត់ត្រាពត៌មានដែលស្រីស្រស់បញ្ជាទាំងយកចិត្តទុកដាក់។
«ទាក់ទងផ្នែកបម្រើសេវាកម្មអតិថិជនអោយរឹតបន្តឹងបទពិន័យរបស់បុគ្គលិកផង! មើលតាមរបាយការណ៍ ឃើញមានខមផ្លេនច្រើនណាស់ទាក់ទងនឹងរឿងបុគ្គលិកផ្តល់សេវាកម្ម!»
«បាទ អ្នកនាងប្រធាន!»
«លោក! ទីនេះមិនអនុញ្ញាតអោយភ្ញៀវគ្មានភារកិច្ចចូលទេ...» សម្លេងសន្តិសុខលឺពីចម្ងាយ ទំនងដូចជាមានរឿងរកាំរកូសជាមួយភ្ញៀវ។ ហ្វ្រេនដា បាញ់ក្រសែភ្នែកជាសញ្ញាអោយកូនចៅជំនិតចេញទៅមើលស្ថានភាពនៅខាងក្រៅ ហើយខ្លួននាងក៏បន្តដំណើរទៅមុខជារឿយៗ។
YOU ARE READING
ម្ចាស់បេះដូង ℳ𝒶𝓉𝓉ℯℴ♥︎
Romanceនាងដេកជាមួយគេព្រោះគិតថាគេជាព្រាននារី តែហេតុអីគេតាមនាងស្អិតមិនលែងបែបនេះ? ម៉ាថេអូ X ហ្វ្រេនដា
