Bad blood
៚ដឹ ក្រូណេព្វ
រាងស្តើងក្នុងរ៉ូបត្រឹមភ្លៅអង្គុយចុចទូរស័ព្ទលើសាឡុងបណ្តើរ ក្រសែភ្នែកខៀវស្រងាត់ដៀងមើលមុខសង្ហារបណ្តើរ។
«បងកើតអី?»
«យកពេលដែលចេះដឹងរឿងបងទៅធ្វើអីផ្សេងមានប្រយោជន៍បានទេប្អូនស្រីកំហូច?» ថេអូ ដកភ្នែកពីអេក្រង់កុំព្យូរទ័រ ព្រមទាំងធ្វើមុខកាចទៅកាន់ប្អូនស្រី។
«រឿងស្រីឈ្មោះ ហ្វ្រេនដា នោះមែនទេ?» នាងនិយាយប្រហើរ តែក្នុងចិត្តក៏លួចរង់ចាំមើលប្រតិកម្មបងប្រុសកំពូលព្រានរបស់នាង។
«អ្នកណា?»
«កុំមកធ្វើល្ងង់ កុំភ្លេចណា៎ថាខ្ញុំនៅក្នុងពោះម៉ាក់ជាមួយបង៩ខែដូចគ្នា!»
«ហើយវាយ៉ាងម៉េច?» គេចាប់ផ្តើមមួម៉ៅ មិនមែនមកពីខឹងនឹងប្អូន តែខឹងនឹងខ្លួនឯងទៅវិញទេ ព្រោះរាល់ពេលដែលរំលឹកពីឈ្មោះស្រីម្នាក់នោះ ធ្វើអោយគេវេទនាក្នុងខ្លួនយ៉ាងចម្លែក។
«គ្រាន់តែចង់ប្រាប់បងថាបើបងចង់ច្បាស់លាស់ជាមួយនាង មេត្តាបោះបង់អាចរិតព្រានបងនេះចេញផង បើមិនចឹងទេកុំសង្ឃឹមថានាងយកភ្នែកមកមើលបង! កុំថាខ្ញុំមិនបានតឿន»
«ឯងក៏ដឹងថាបងគ្មានផ្លូវចោលភាពនៅលីវរបស់បងដើម្បីតែមនុស្សស្រីម្នាក់»
«បើទោះបីជាស្រីម្នាក់នោះជាមនុស្សដែលបងស្រលាញ់?»
«អ្នកណាថាបងស្រលាញ់ស្រីនោះ?»
«មុខបងសរសេរបែបនោះ ម៉ាថេអូ ខារស្ពេនស័រ!!! សារភាពទៅថាបងស្រលាញ់នាង បើមិនចឹងទេមិនមែនមួយរយៈនេះបងឈប់បណ្តើរស្រីទេ»
«បងមិនបានស្រលាញ់នាង!» គេបដិសេធនិងប្អូនយ៉ាងដាច់អហង្ការ តែអ្វីដែលទទួលបានគឺចម្លើយហីៗរបស់ប្អូនស្រីដែលហាក់ដូចជាមិនជឿពីសម្តីរបស់គេ។
«អូខេៗ មិនស្រលាញ់ក៏មិនស្រលាញ់!»
«ហ្វីន!!! បងគ្មានផ្លូវស្រលាញ់នាង គ្មានផ្លូវដាច់ខាត!»
...
សម្លេងចេចចាចរបស់ភ្ញៀវដែលមកចូលរួមបន្លឺពេញសាលទូលាយដែលត្រូវបានរៀបចំតុបតែងយ៉ាងប្រណីតសម្រាប់អាពាហ៍ពិពាហ៍របស់កូនកម្លោះនិងកូនក្រមុំថ្មោងថ្មី។
YOU ARE READING
ម្ចាស់បេះដូង ℳ𝒶𝓉𝓉ℯℴ♥︎
Romansaនាងដេកជាមួយគេព្រោះគិតថាគេជាព្រាននារី តែហេតុអីគេតាមនាងស្អិតមិនលែងបែបនេះ? ម៉ាថេអូ X ហ្វ្រេនដា
