A wedding invitation
ទឹង...
ពេលឃើញទ្វារជណ្តើរយន្តដំណើរការធម្មតាវិញ ហ្វ្រេនដា ប្រឹងសំងំក្នុងរង្វង់ដៃមាំ ខណៈពេលលួចដៀងភ្នែកទៅខាងក្រៅ រួចដកដង្ហើមធំធូរទ្រូងពេលមិនមានជនទីបីឃើញនាងក្នុងសភាពបែបនេះ។ នាងងើយមុខប្រឈមនឹងនាយកម្លោះ ហើយព្យាយាមរុញគេមួយទំហឹង ធ្វើអោយគេខ្ទាតចេញពីនាងបន្តិច តែរាងខ្ពស់រុលខ្លួនមកជិតនាងវិញដដែល។
«លែងខ្ញុំ! នេះជាលើកចុងក្រោយដែលខ្ញុំនិយាយស្រួលបួលបែបនេះដាក់លោក បើមិនចឹង...»
«បើមិនចឹងម៉េច?» គេនិយាយកាត់នាងភ្លាម ព្រមទាំងមិនភ្លេចធ្វើមុខច្រលើសបើសដាក់។
«បណ្តេញលោកចេញពីរីហ្សតរបស់ខ្ញុំ!»
«ដេញភ្ញៀវចេញបែបនេះ មិនខ្លាចខូចឈ្មោះរីហ្សតទេហ៎»
«បើមានភ្ញៀវរបៀបលោក ខ្ញុំសុខចិត្តរ៉ាប់រងការខូចខាត»
«នាងស្អប់មុខខ្ញុំដល់ថ្នាក់នោះផង? ប្រាប់មកនាងចូលចិត្តប្រុសប្រភេទណា?»
«ដឹងត្រឹមថាប្រុសម្នាក់នោះមិនមែនលោកទៅបានហើយ លោកម៉ាថេអូ ខាស្ពេនស័រ!»
«ហេតុអីនាងសុខចិត្តដេកជាមួយខ្ញុំចឹង បើខ្ញុំមិនមែនមនុស្សប្រុសក្នុងស្ពេករបស់នាង?»
ហ្រ្វេនដា ក្រពុលមុខនឹងសំនួរសាំញ៊ាំរបស់គេ នាងមិនដឹងថាខ្មោចអីចូលគេ បានជាធ្វើអោយគេចចេសជីកឬសជីកគល់ពីរឿងផ្ទាល់ខ្លួនបែបនេះ នាងគិតថាគេជាប្រុសព្រានទើបទំនាក់ទំនងមួយយប់នឹងចប់ភ្លាម តែមិនធ្លាប់គិតឡើយថា ម៉ាថេអូ ជាមនុស្សមានៈដល់ថ្នាក់នេះ! គិតខុសឬអត់ដែលព្រមដេកជាមួយគេ? ហ្វ្រេនដា ចងចិញ្ចើមបន្តិច រួចគ្រវីក្បាលតិចៗបដិសេធនិងគំនិតរបស់នាង នាងមិនស្តាយក្រោយរឿងយប់នោះទេ នេះជារឿងពិត តែមិនបានន័យថានាងចង់ជាប់ជំពាក់ជាមួយគេដូចគ្នា។
«ព្រោះលោកជាព្រាននារី...ខ្ញុំមិនចង់មានទំនាក់ទំនងស៊ីជម្រៅជាមួយអ្នកណា ទើបលោកជាជម្រើសល្អបំផុត! ខ្ញុំសង្ឃឹមថាលោកនឹងយល់ន័យរបស់ខ្ញុំ ហើយមេត្តាឈប់រំខានខ្ញុំទៀត»
YOU ARE READING
ម្ចាស់បេះដូង ℳ𝒶𝓉𝓉ℯℴ♥︎
Romanceនាងដេកជាមួយគេព្រោះគិតថាគេជាព្រាននារី តែហេតុអីគេតាមនាងស្អិតមិនលែងបែបនេះ? ម៉ាថេអូ X ហ្វ្រេនដា
