မနက်စာထမင်းဝိုင်းတွင်ဖြစ်သည်။နှစ်နှစ်ရဲ့နှုတ်ခမ်းတွေမှာ ကိုကိုညကနမ်းထားသောကြောင့် အနည်းငယ်စူနေပြီး ပေါက်လည်းပေါက်နေသေးသည်။ထို့ကြောင့်နှစ်နှစ်မှာအစပ်မစားနိုင်ပေ။
ကိုကိုကတော့ အေးအေးလူလူပင်အစားမပျက်ပေ။လူဆိုးကြီး သူလုပ်လို့သူများအစပ်မစားနိုင်တာကို သူကတော့အေးအေးဆေးဆေးပဲ။
"နှစ်နှစ် ဟင်းတွေမထည့်စားပဲနဲ့ ဘာလုပ်နေတာလဲ "
"စပ်လို့ မာမားရဲ့"
"ဟင် အရင်တုန်းကတောင် ဒီလောက်အစပ်လေးကိုစားနိုင်ပြီးတော့"
"အခုက နှစ်နှစ်နှုတ်ခမ်းကွဲနေလို့ "
နှစ်နှစ်မှာ လိမ်လိုက်ရပြန်ပါသည်။ထိုစဥ်နှစ်နှစ်ရှေ့သို့ရောက်လာသော ပန်းကန်ထဲမှာအစပ်စုပ်ထားသော ပုစွန်လေးတွေ။နှစ်နှစ် ကိုကို့ကိုကြည့်လိုက်သည်။ကိုကိုက ပုခုံးတစ်ချက်တွန့်ပြီး မျက်စိတစ်ဖက်မှိတ်ပြလေသည်။
"ကဲ အပင်ပန်းခံပြီး အစပ်စုပ်ပေးရတယ်လို့ကိုသစ်ရယ် ဒီကလေးနှုတ်ခမ်းကွဲတာ အပူတွေနေမှာပေါ့ ရေချိုးပျင်းတာလေ"
နှစ်နှစ်နှုတ်ခမ်းကွဲအောင် ကိုကိုလုပ်တာဟုအော်ပြောပြလိုက်ချင်သည်။တကယ်ပဲ မာမားကကိုကို့ဘက်ကပဲပါနေ။
မင်းသွေးသစ် ထမင်းဝိုင်းစထိုင်တည်းက နှစ်နှစ်မျက်နှာဆူပုတ်နေတာကိုသိပါသည်။ညကသူနမ်းလိုက်တာ များသွားသည်ကြောင့် ကလေးရဲ့နှုတ်ခမ်း သွေးစို့ပြီးပေါက်သွားတာလဲသိပါသည်။ထို့ကြောင့် ပုစွန်တွေကို.သေချာအစပ်စုပ်ပေးထားတာဖြစ်သည်။
ထမင်းစားပြီးသောအခါ ကိုလတ်ကအလုပ်သွားရန်ပြင်တော့သည်။မင်းသွေးသစ်ကတော့ နှစ်နှစ်ကိုကျောင်းလိုက်ပို့ပြီးမှ ကုမ္မဏီသို့သွားမည်ဖြစ်သည်။သူဌေးက သူ့အဖေဆိုတော့လည်း သူ့အဖေပဲပေါ့။ဘာငြင်းရအုံးမှာလဲ။အဖေလည်းသေချာအကြောင်းစုံရှင်းပြပြီးပြီကို။အဓိကတရားခံကတော့ ဦးနိုင်မြတ်ပဲလေ။
"ကိုကို သွားရအောင်လေ "
"အင်း ကလေးပြီးရင်သွားကြမယ်လေ"
![](https://img.wattpad.com/cover/347822997-288-k439390.jpg)
YOU ARE READING
ရင်မှ နှစ်နှစ်ကာကာ[Completed]
Romance"ကျွန်တော် ဒုတိယအကြိမ်ထပ်ချစ်မိသွားပြန်ပြီ " မင်းသွေးသစ်