اقتباس عشان فرولاتي الحلوين ♥️🍓
" قلبك مدقش غير ليا متكذبش. انت طول عمرك بتقول الحقيقية.."
زفر الهواء المكبوت بصدره دفعة واحدة قبل أن يتحدث بخشونة
" بتعملي ليه كدا ؟؟"
تسابقت عبراتها فوق وجنتيها قبل أن تجيبه بنبرة متألمة
" مش قادرة .. حاولت و مش قادرة .. مش هشوفك بتكون لغيري و هسكت!"
تشابهت لهجته مع ملامحه الجامدة حين قال
" دي مشكلتك حليها لوحدك.. انا مش فاضي "
اخرجت تلك الشفرة الحادة من بين ثنايا قميصها و قالت بنبرة خالية من الحياة
" يبقي زي ما كنت أول حد فتحت عيني عليه اول ما وعيت علي الدنيا هتكون آخر حد عيني تشوفه و أنا بفارقها.."
خارجيًا لم تتأثر ملامحه ولكن من الداخل شعر بالشفقة على تلك الطفلة التي حملها بيديه يوم ولادتها و من فرط جمالها كانت تشبه الملائكه و الآن تندثر و تنتهي أمام عينيه..
" ارمي اللعبة دي من إيدك.. و بطلي جنان."
هكذا تحدث بهدوء أثار جنونها فصرخت بقهر
" مش هرمي حاجة .. وهموت عشان ست فرح تعيش. مش دا اللي انت عايزه؟؟"
احتدت ملامحه و شابهتها نبرته لدى سماعه اسمها
" خرجي فرح من موضوعنا.. مشكلتك مش معاها.."
" خرجها انت من بينا. انا عارفه انك كنت قاصد تغيظني بيها. و عارفه أن الموضوع قلب جد وانت مكنش في نيتك اي حاجه من ناحيتها.. كفايه بقي . كسرتني و وجعتني و خدت حقك كدا احنا خالصين ."
هكذا تحدثت بتوسل ولكن ملامحه ظلت على حالها حين قال بفظاظة
" باقي ساعتين على كتب الكتاب و معنديش وقت للجدال في الفاضي. "
أوشك ع الالتفات فـ صرخت بقهر
" مفيش كتب كتاب.. علي جثتي يحصل الكلام دا.."
كان مظهرها مريعًا و عينيها توحي بالجنون و أردفت بصراخ وصل إلى آذان جميع من في المنزل
" مش هتتجوزها يا سالم .. مش هـ تتكتب على اسمك واحدة غيري .."
رقت نبرتها حين تابعت
" انا شيرين حبيبتك.. فاكر وانا صغيرة لما جتلي حمى مين سهر جمبي لحد ما خفيت غيرك ؟؟ مكنتش مطمن عليا غير و انت جنبي .. عاقبتني و انت عارف انت عاقبتني ازاي .. بلاش اقول اللي كان بيحصل قدام الناس دي كلها.. خليه بينا .."
تعاظم الغضب بداخله و تحفزت جميع خلايا جسده لدى سماعه حديثها الذي سوف يصل إلى مناطق محظورة ولكنه لن يسمح لها أن تأخذه الي هذا المنحني فقال بقسوة
" أنتِ هاينه عليكِ نفسك ازاي كدا ؟؟ كل اللي بتقوليه دا مالوش طلب عندي و مش هيأثر عليا و موضوعك بالنسبالي انتهى من سنين .."
تدخلت همت التي كانت ترتعب من مظهر ابنتها فصرخت بذعر
" أبوس إيدك متعمليش كده يا بنتي .. استني يا سالم ورحمة أبوك.. مش هتحمل تضيع مني.."
تدخلت أمينة هي الأخرى قائلة بخوف
" شيرين يا حبيبتي. كل شئ قسمة و نصيب و لو كنتِ عايزة تطلقي من الصبح سالم يطلقك منه و أنتِ الف مين يتمناكِ دانتِ زينة البنات .. بس أرمي القرف اللي في ايدك دا.. قولها يا سالم"
غرزت الشفرة أكثر في عروق يدها وهي تنظر إلي عينيه بتحدٍ أرهقه كثيرًا فقال بخشونة
" عايزة ايه عشان توقفي الجنان اللي بتعمليه دا ؟؟"
خرجت الكلمات من شفتيها تزامنًا مع نزول بعض قطرات من دماءها إثر ملامسة الشفرة الحادة ل جلدها الرقيق
" تقولِ انك بتحبني و انك عمرك ما هتتجوز فرح دي …"
ران صمت طويل على المكان كانت العيون كلها معلقه عليه بينما كان يطحن ضروسه بغيظ ولكنه أجاب بصرامة على الرغم بأن صوته لم يرتفع
" انا بحب فرح ومش هتجوز حد غيرها.. لو أنتِ حياتك رخيصة عليكِ تبقي دي مشكلتك.."
تعالت الشهقات حوله فـ احتدت عينيه مُرسلة نظرات تحذيرية أخرست الجميع قبل أن يلتفت متوجهًا إلي الخارج و فجأة تجمد حين سمع تلك الصرخات التي تعالت حوله فالتفت بلهفه وتجمدت عينيه حين رأى….
***************
يالا يا حلوين عايزة تفاعل نار عشان في بارت نار نار نار بيجهز ♥️
خليكوا واثقين فيا ♥️
الفصل بكرة أن شاء الله ♥️
متنسوش فوت و كومنت و فولو ليا ♥️
#نورهان_آل_عشرى
#قيثارة_الكلمات
#في_قبضة_الأقدار
أنت تقرأ
في قبضة الأقدار (سلسلة الأقدار )
Roman d'amourفي قلب كلًا منا غرفه مغلقه نحاول عدم طرق بابها حتي لا نبكي ... نورهان العشري ✍️ في قبضة الأقدار ج١ بين غياهب الأقدار ج٢ أنشودة الأقدار ج٣
