مفروض ازعل منكوا و اخاصمكوا بسبب تراجع التفاعل بالشكل دا 🥺 💔 يعني لما قولت مش هنزل البارت هنا بسبب التفاعل وصلتوا البارت ل ٤٠٠٠ فوت و آخر بارت نزل اللي انتوا عارفين انا منزلاه و ظروفي عاملة ازاي اتفاجيء أنه حتى موصلش ٣٠٠٠ فوت 🥺🥺💔 انتوا عارفين ظروفي وبرغم كدا مقدرتش ازعلكوا ياريت شويه تقدير ليا و بلاس تزعلوني و تكسروا بخاطري و فضلاً اعملوا فوت على الفصل و كومنت عاافقرات اللي حبتوها ♥️ و اول ما يوصل ٤٠٠٠ لايك أن شاء الله هنزل اللي بعده
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بسم الله الرحمن الرحيم
الأنشودة السادسة و الثلاثون 🎼 💗
لا تقل تغيروا بل قُل سقطت اقنعتهم المُزيفة .
لا تقُل لما تبدلوا ليُصبحوا بهذا السوء ؟
قُل انقشعت الغمامة من على عيناي فصِرت أرى حقيقتهم جيدًا ، فهذة هي وجوههم الحقيقية و تلك الصورة الرائعة التي كُنت تراهُم بِها ليست سوى إنعِكاس لروحك التي كانت أنقى من أن تُلوثها قذارتهم .
نورهان العشري ✍️
🍁🍁🍁🍁🍁🍁🍁🍁🍁🍁🍁
تبادل الرجلان النظرات لثوان قبل أن يقول «مروان» بسخرية
_ والله عيب عالنجوم و الكواكب اللي على كتافك دي . تقبض على مين يا ابني ! دا عضو مجلس شعب ! هما أمثالكوا اللي ضيعوا البلد .
بادله «مصطفى» سخريته قائلًا
_ محدش فوق القانون يا حضرت . مش معنى انه عضو مجلس شعب أنه ميتحاكمش لو ارتكب جريمة !
تدخل «طارق» القادم من الخلف ليقول بسخرية
_ طب و بالنسبة للحصانة اللى معاه يعمل بيها ايه ؟
تهكم «مروان» بوقاحة
_ انا عارف يعمل بيها ايه بس طبعًا عمري ما هقول عشان الكبير ممكن يدفني حي .
لم يستطِع «سالم» قمع ضحكة خافتة ظهرت على محياة ولكنه سرعان ما عاد لـ جموده حين استمع لحديث« مصطفى» الذي تابع بتسلية
_ الحصانة بتسقط لما سيادة النائب يرتكب جريمة بشعة زي دي .
