السلام عليكم ورحمه الله وبركاته 🌹 اعزائي المتابعين المحترمين من شويه شوفت كومنت و حبيت اوريهولكوا و أوضح شويه حاجات بسيطة كدا دا الكومنت 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و دا ردي و لأول مرة بقالي ٣ سنين و نص بكتب اكتب كومنت شديد اللهجة زي دا لحد من المتابعين مبدأيًا كدا سؤال لحضرتك هل بتديني فلوس مقابل اني اكتبلك عشان تكتبيلي كومنت زي دا ؟؟؟ هل أنتِ معايا و عارفه ظروفي ؟ هل شوفتي الكاتبة دي فين و عندها ايه و أتأخرت ليه ؟ كومنت سخيف في وقت أسخف خلاني في لحظة كنت هدخل احذف الروايات دي و اخرج بلا رجعة من شيء بالنسبالي اكتر حاجه بحبها و بحب اعملها و اللي هي الكتابه . حضرتك انا بكتب عشان انا بحب الكتابه لا باخد منها لا ابيض ولا اسود بيجيلي ظروف تمنعني حتى اني اغسل وشي. أقسم بالله مبلحقش حتى اغسل وشي . دا غير المفاجأت اللي ممكن تجيلك و أنتِ قاعدة في أمان الله كدا تزلزلك و تشقلبلك كيانك . عندي طفلين واحد مكملش ست سنين و التانيه مكملتش تلاته يعني أنا بالنسبالهم كل شيء مقدرش أغفل عنهم لحظة واحدة . بالإضافة أن جوزي مسافر يعني اب و ام و شغاله و مُدرسة و كل حاجه . اتأخرت في بارت ولا اتنين دنيتك اتهدت ؟ حياتك وقفت لما البارت منزلش عشان تدخلي تقوليلي كدا ؟ عيب . عيب اوي انك تدخلي تكتبيلي كلمتين زي دول وأنتِ متعرفيش انا فيا ايه ولا كلامك دا ممكن يأثر فيا ازاي ؟ انا لو مش كاتبه زي ما أنتِ قولتي ولو انا مستحقش اللقب دا مكنتيش هتتابعيني و تستني فصول روايتي عيب للمرة التالته وانا اللي بقولك فورا اعمليلي بلوك و بطلي تتابعيني الكتابه دي بالنسبالي حياة تانيه بهرب منها من كل شيء بيخنقني و بيضايقني . عملتلي أهل و عيلة و اصحاب جديدة بيحبوني و بيخافوا عليا و بيتحملوني ، علاقتنا مش مجرد كاتبه و متابعين فقط و مش هسمح لحد أبدا أنه يكرهني في حاجه زي دي و يتسبب اني ابعد عنها لمجرد اني بتأخر في تنزيل فصل أو غيره نيجي بقى للظروف اللي خلتني أتأخر و منزلش الفصل . حضرتك حماتي اللي هي خالتي ست زوجها متوفي و ولادها الثلاثه مسافرين و فجأة عرفنا أنها عندها حاجه خطيرة و مفروض تعمل عمليه في خلال يومين عايزة اقولك اني طالعه من بيتي الساعه واحدة و نص بالليل جري عليها عشان اشوف هنعمل ايه ؟ و بقالنا في الحالة دي من يوم الثلاثاء اللي فات لسه امبارح بالليل اللي قدرنا ناخد نفسنا و اطمنا على حالتها . مفروض يا حبيبة قلبي اسيبها مع نفسها و اقعد سبع أو تمن ساعات اكتب لحضرتك بارت ؟؟؟ ربنا يكفيني و يكفيكِ و يكفينا كلنا شر فواجع الأقدار و ياريت ملاقيش كومنت زي دا تاني عشان اقسم بالله العلي العظيم من وقت ما قريته مش قادرة ابطل عياط أن في ناس قلوبها قاسية بالشكل دا . البارت هينزل النهاردة بالليل أن شاء الله لمحبيني وللناس اللي بتقدرني و راضتني و دافعت عني ربنا يجبر بخاطركوا و يراضيكوا ♥️ اللي شايف اني شخص وحش غير مُلتزم و موافق على كلام الأستاذة في هدوء و من سكات يتفضل يلغي متابعتي في سلام من غير حرقة قلب و ضغط اعصاب في الفاضي. اقسم بالله العلي العظيم يوم الفصل دا بطبق بنيم ولادي و افضل اكتب و على ما اخلص يكونوا قربوا يصحوا أو صحيوا بالفعل افضل قاعدة معاهم و دورة اليوم الطبيعي تمر لحد ما اقع بالليل من التعب و قلة النوم اموت نفسي ولا اعمل لحضرتك ايه ؟ و شكرا
