وصي خيالك يجيني لا يخليني

الثالث

ومثل ماطلب متعب طلعه ابوه من المدرسه ووارسله لولد عم لهم عايش في الديرة ،( ابو خلف ) شايب شديد ومربي عيال على الشده والقسوه حتى صاروا رياجيل. وكان ابو متعب يتمني انه يقدر عليه ، بس متعب مايقدر عليه غير ربه مثل مايقولون
ابو خلف كان يناظر في متعب بحده وكانه يتحلف فيه
اما متعب كان مسترخي تماما وكانه يتحدي الجميع انهم يقدرون عليه
ابو خلف : من الصباح تقوم معي نروح العزبه و هناك نجهز لك مكان تبات فيه
سال ابو متعب بقلق : يعني بينام هناك
ابو خلف : ايه بخليه مع الرعيان ، انت روح لبيتك ومتعب رجال ما ينخاف عليه
وفعلا مع صلاة الفجر اخذ ابو خلف متعب معه للعزبه متعب طول الليل ماقدر ينام كان مستنكر المكان والجو لكذا صحى وهو دايخ ومهدود حيله وده في النوم وهذا ما اعجب ابو خلف اللي قرب منه على غفله وضربه بالخيزرانه على ظهره وهو يقول : تنعس يا رقدان
التفت متعب له بعصبيه فصرخ ابو خلف ورجع يضربه بالخيزرانه : لا تحد عيونك على ، قم تحرك
قضى متعب اليوم كله في العزبه وكان يطلب منه ابو خلف اغلب الشغل والرعيان جالسين معه
متعب بعد ماقال له ابوه عن قراره انه لازم يعيش في الديرة مع ابو خلف وافق وكانه يقول ( نمشي مثل ما تبغى يبه )
وبعد ماجلست امه معه وتكلمت لاول مره معه وقالت له عن رغبتها في تغييره علشان يعيش حياة هانيه ويتزوج ويجيب عيال ، ومتعب وعدها انه راح يتغير ويستحمل علشانها علشان النظره الحزينه اللي شافها في عيونها ، متعب عارف ان امه وابوه متبهذلين معه مع انه كبير والمفروض يكون لهم عون في هذه الحياة لكنه للاسف فرعون تسلط على راحتهم وحياتهم
متعب شاف خوياه يتقدمون في حياتهم وهو باقي في مكانه وكان هذا سبب ثالث له علشان يرضى ويصبر على الحياة اللي تنتظره عند ابو خلف
وكان دخول الكايد ( سعد ) دوره عسكريه وشغل راضي وفهد في محل جوالات ولد عنده رغبه قويه لتغيير