وصي خيالك يجيني لا يخليني

واحد وثلاثين

انفتح باب الغرفه وسمعت هنا صوت متعب يقول بعصبيه : تزوجتي يا هنا
فتحت عيونها وشافت متعب واقف عند باب الغرفه وكان شكله يذكرها بمتعب القديم شماغ على كتفه واكمامه مرفوعه وازرار ثوبه مفتوحه واللي شد انتباهها اكثر الدم اللي على ثوبه
سمعت ام متعب تصرخ : ذبحه ياويلي ويلاه
صرخت الجده  : والله ما تجيها
و دخلت الغرفة تدف متعب : فكنا من شرك وطلع برا ، اطلع برا
ابو متعب صرخ : متعب
التفت لهم متعب وقال بحده : غلطتكم انكم استهنتم فيني

قبل اسبوع من الملكه
خالد يسوق بسرعه جنونيه رايح للمستشفي ، شاف نورة تنتظره عند بوابه المستشفي
شهقت نورة بسبب شكل خالد اللي كانت ملابسه معدومه من الالوان وشعره منكوش و يدينه ملطخه
خالد بخوف : وش فيه يا نورة مرام فيها شي
نورة : مدري الدكتور طلبك رفض يقول شي وانت مو فيه
دخل خالد وتوجهه لغرفة مرام على طول ، شافها جالسه على السرير وحاضنه نفسها ، قرب منها و اخذها في حضنه وهو يسمي عليها
مرام : خالد انا بموت
شد خالد على اسنانه وقال بحده : وصصصص لا تقولين كذا
مرام : الدكتور  يقول لازم تكون موجود يعني انا بموت
خالد : لا ما يعني كذا حبيبتي متاكد
خالد داخله كان يصرخ خوف ان كلام مرام حقيقي وان الدكتور مكتشف شي خطير فيها
دخل الدكتور : السلام عليكم ، ازيك يا دكتوره مرام
مرام اللي غطت وجهها : بخير
ناظر الدكتور في خالد : انت زوجها
خالد : وش فيها مرام يادكتور
الدكتور : الدكتوره مرام حامل
وقبل يفرحون قال : والحمل خطير جدا لانه ما زال في القناة ورافض ينزل لرحم ولو طول راح ينفجر الكيس ويسبب خطر في الانبوب يمكن نضطر نستاصله
بكت مرام وسال خالد : كيف خطير انا ماني فاهم
الدكتور : الحمل الطبيعي يتكون في القناة وينزل لرحم ويكمل النمو ، وحمل مرام صار له ثلاث اشهر
مرام : بس يا دكتور ماكانت هناك اعرض حتى الدوره منتظمه
الدكتور : هذه الخربطه بسبب موقع الكيس
خالد : والحل ، اقصد العلاج
الدكتور : ننزل الحمل
مرام هزت راسها وقالت ببكاء : لا لا تكفي يا دكتور سوء شي غيره
ناظر خالد فيها مايدري وش يقول او وش يقرر
الدكتور : معك يوم تقررون او راح تزيد المخاطر
طلع الدكتور وطلعت نوره معه لانها ما استحملت الخبر او حالة مرام اللي انهارت جلس خالد بجنبها وحضنها يهديها ، وبعد ساعه من البكاء المتواصل نامت في حضنه وخالد ماقدر يبعد ويصحيها وتركها تنام
خالد من الخوف اللي يحس فيه مو قادر يسيطر على افكاره و عاجز يتخذ قرار يريحهم الاثنين ، للاسف مرام ما تبغى تنزل الحمل وتقول ينتظرون اكثر يمكن يتغير الوضع مع الايام والدكتور ما ينصح يطولون بسبب الخطوره وهو ضايع بينهم