وصي خيالك يجيني لا يخليني

ثلاثين

آدم شاف نورة جالسه لوحدها في المختبر التفت حوله ما شاف احد كان وقت بريك والكل طالع استغل الفرصه ودخل : مرحبا
رفعت نورة راسها والتقت عيونها السود بعيونه الزرق ، ونزلت عيونها بسرعه على الطاوله قدامها
سحب آدم الكرسي وقرب منها وكان يناظر في وجهها بابتسامه غريبه وجلس
نورة بارتباك : فيه شي
آدم : فيه مريض عندي طلبت له تحاليل سريعه وللحين ما وصلت لي النتائج
نورة حطت يدها على الكبور  وسالت : ايش اسمه
تورط آدم وقال بترقيع : ممكن انا اشوف
شالت نورة يدينها عن الجهاز وبداء آدم يطقطق فيه دخل سجل مرضاه ويدور وهو ساكت فجاه سالها : ليش ما طلعتي بريك
نورة ناظرت فيه باستغراب : عندي شغل
آدم : اكلتي شي ،، انا بطلب لي اكل اذا تبغين اطلب لك معي
نورة : وليش تطلب لي باي صفه
آدم : زميلة عمل وشفتها مشغوله ( that is )
نورة عصبت من كلامه وتبريره الغبي وقالت بحده : عفوا دكتور آدم انا عارفه انك كنت تعيش في بيئه مختلفه عن هنا ، ويمكن عادي عندكم العلاقات وصدقات العمل ، بس هنا غير يا دكتور هنا يحكمنا دينا وعاداتنا وتربيتنا واي خطاء راح ياثر على سمعتي خاصه ان فيه ناس اصلا تفكيرها سيئ لي اي بنت تشتغل في هذا المجال
ضحك آدم : انا ما طلبت منك موعد انا ببساطه كنت اعرض عليك وجبه لاني شفتك مشغوله وقلت يمكن ناسيه تاكل يعني ابغى اخذ اجر فيك
نورة : شكرا مهما كان قصدك بس ارجوك لاعاد تكررها لاني اعتبر هذا ازعاج
آدم قفل الجهاز والتفت لها وقرب وجهه مره منها وكانت في عيونه نظرات غريبه وقال : طيب كيف بتعرف عليك يا نورا
فتحت نورة عيونها مصدومه من كلامه ، وقف آدم يبغى يطلع ( وش قصده اتعرف عليك صاحى هذا ) نورة وقفته : انتظر
التفت والابتسامه شاقه وجهه : Yes
نورة : شكلك بديت تخربط يادكتور وش اللي تتعرف على وش شايفني انت
آدم بوقاحه : شايف بنت حلوه عاجبتني وابغى اعمق معرفتي فيها
نورة انصدمت من جراءته وتماديه وقالت بعصبيه : احترم نفسك واضبط عمرك واذا ما انضبطت معي قلت لخالد يتصرف معك
حرك آدم يدينه : لا لا ما يحتاج خالد يتدخل
صد وطلع وقبل ترجع نورة تجلس رجع : ارسلي لي بسرعه نتائج تحاليل المرضى مره تتاخرون وهذا يسبب مشاكل عندي وقت مواعيدهم الا اذا تتعمدي تاخيرها علشان اجي عندكم المختبر
نورة بصوت واطي : ماخذ في نفسك مقلب
سمعها آدم وابتسم ورجع يدخل ويوقف قدامها : عفوا ما سمعت
ارتبكت نورة من قربه وقالت وهي تشتت عيونها عن عيونه : مرضاك للاسف يجون متاخر لكذا يتاخر التحليل اذا ممكن تطلب منهم على الاقل يجون قبل الموعد بثلاث ايام يمدينا نطلع النتائج
غمز آدم عينه : ولا يهمك راح اكد عليهم المره الجايه كله ولا ازعاجك
مشى وتركهم عضت نورة على شفايفها بقهر وهي تلعن وتسب فيه
نورة ماهي قادرة تنسي الموقف الغبي اللي صار بينهم من شهر يوم دخلت عيادته معصبه وكانت ناويه تهاوش بس احرجها بكلامه وطلعت غبيه بسببه
ارجعت لنورة ذكري ذاك اليوم