وصي خيالك يجيني لا يخليني

التاسع عشر

حظكم زين نزلت البارت بالغلط ولا هان على احذفه
استمتعوا وراح نلتقي بعد اسبوعين ان شاء الله
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺

جلس سعود في غرفته مقهور كيف ان يسرى تجاهلت وجوده ومشاعره
معقوله ماحست فيه او في اهتمامه فيها وفي اطفالها وبعدين من خطيبها وكيف شكله واخلاقه ، وكيف راح يتعامل مع الصغار ، هل بيحبهم مثله او يكرهم ويعذبهم من زوج امه ، كان في داخله اساله كثيره محتاجه اجابه علشان قلبه بتطمن
سعود كان خايف كثير على غسان وسمو ومجد لا يعيشون المعانات اللي عاشها مع زوج امه وخايف على يسرى لا تجبرها الضروف على تقديم تنازلات غصب عنها
سعود عقله صور له الاحداث الماضيه وتذكر امه والرعب اللي كان عايشه وهو يشوف امه ما تتحرك او تتنفس ، ضرب على مرتبه السرير يحاول يطرد صورة امه الميته من عقله بس ماقدر ، رجع يضرب مره ثانيه على المرتبه ، زاد الضرب وارتفع صوت سعود غصب عنه
دخل متعب خايف وشاف سعود يضرب ويبكي بصوت عالي ويقول : افتحو الباب ، امي ماتت
قرب منه : بسم الله سعود مافيه شي ياخوي
تعلق سعود في متعب : متعب تكفي قول لهم يفتحون الباب امي يا متعب ماتت ، امي ما تتحرك
حضنه متعب وهو يسمي : سعود قول لاله الا الله ، سعود ياخوي انت معي
سعود
سعود صار يبكي وينادي على امه ومتعب حاضنه يحاول يهديه بكلمات بسيطه مايعرف غيرها ، بعد ربع ساعه خفت حدة الازمه مع سعود ، بس مازال يبكي ويحس بالم في قلبه
متعب : سعود ياصاحبي اذكر الله ، وربي يهونها عليك
سعود : متعب خايف على غسان ، خايف يصير له ماصار لي غسان ضعيف مو حمل هم وضيم وقهر
متعب : لا تخاف حنا بنكون معه وحوله
سعود بقهر : بالله ، كيف وباي صفه انت مصدق انك خاله شفت وش قالت سمعت ، تقول مالنا دخل مالنا دخل بعد كل اللي سويناها تقول مالكم دخل
متعب : سويناه لوجه الله يا صاحبي
سعود : وانا
متعب : انت وش فيك
سعود ضرب صدره وقال بصوت مهزوز : حبيتهم يا متعب تعلقت فيهم
متعب : الله يكون في عونك ، لا تخاف او تشيل همهم ربي موجود قم ابو مهند ماراح يتركهم ، وخالتي ام انس معها ، استودعهم الله يا صاحبي
جلس بعدها متعب وسعود ساكتين وكل واحد يفكر كيف يقدر يحمي الصغار من غدر الدنيا
متعب داخله خوف من الاسم اللي يعرفه لايكون هو زوج ام سعود