وصي خيالك يجيني لا يخليني

العاشر

انهار متعب ودخل حالته اكتئاب حاد لمدة شهرين وكان تحت تاثير المسكنات والادويه ولا يحس في الدنيا من حوله  اغلب يومه نايم او سرحان مو يم احد ،، كانت امه واخواته مرام وريم يوكلونه بايديهم  ، ابوه  يهتم في ترويشه وتغير له
ابو متعب معاد سافر وكان بس مقابل متعب لانه يحس بتانيب الضمير لانه تركه في السجن ولا سال عنه ، خاصه بعد ماعرف ان متعب تبهذل هناك ، حتى انه معاد يروح للمسجد وصار يصلي في البيت كله علشان يراقبه لانه خايف عليه
متعب معاد يقدر يستحمل احزان وصدمات اكثر ولانه في السجن كتم حزنه داخله وضغط على نفسه علشان يسيطر على حالات الانهيار اللي تصير له هناك لانه كان رافض العلاج النفسي ، لان في اعتقاده ان العلاج النفسي يعني ان الشخص مجنون وهو تعب من اللقاب اللي شايلها ولو عرفوا عن هذا راح يضيفون له لقب المجنون
متعب كان يظن ان خروجه من السجن نهاية لمعاناته لكن انصدم بالواقع اكثر
كانت تجيه في فترات متباعده حالات انهيار بس تكون خفيفه بسبب الادويه اللي ياكلها ، كانت وحده من هذه الحالات تبداء اول في بكاء بصوت مكتوب وبعدها ترتفع شهقاته وصوته احيانا ينادي على صديقه سعد ويقول له : انا غلطان يا كايد ، ليش دقيت عليك وانت ليش تجي ليش ماخليتهم يذبحوني انا وبعض الاحيان ينادي على عمه ابو هنا ويطلب منه يسامحه وانه يرجع له هنا كان يوعده معاد يضربها او يخوفها حتى انه راح يتركها تسبح مثل ما تبغى ، تحولت حالت متعب وصارت تصيبه نوبات هلع ، وهو بين اهله كان فجاه يرتجف ويختنق ويتعرق بشكل كبير وكانت تاخذ معه دقائق معدوده ولكن بعد ما تنتهي ينهار جسم متعب ويغمى عليه او يفقد القدره على الحركه لساعه او ساعتين وكان ابوه يجلس قدامه مو قادر يسوي شي لانه يرفض احد يلمسه وهو في هذه الحاله
مرام استشارت طبيب نفسي عندهم في المستشفي وفتحت لمتعب ملف
وفي البيت علمت امها وابوها واخواتها ونايف طريقه التعامل مع متعب اذا جات له الحاله
مرام بعد ماشافت حالته متعب اندمت انها خبت عنه واندمت اكثر انها انكرت لهنا كلام ريم ان متعب يمكن يحبها
الكل اصلا انصدم ان متعب حب هنا ، وان هذا الحب هو السبب في اللي يصير معه ، ما احد مصدق ان متعب الشراني ابو قلب قاسي يحب ، لا ويحب بهذه السرعه وهو ماكمل اسبوعين عايش معها