وصي خيالك يجيني لا يخليني

سته وعشرون

ريم ما زالت تداوم جراحها بنفسها وتحاول تتخطي وتنسى بس كل شي يذكرها في عمر غصب عنها حتى فنجال قهوتها لان عمر يحب القهوة كثير وكان يقول لها انه يبداء يومه فيها وانه يحب كل انواع القهوة ، وريم حبت الكابتشينو من كثر ما يمدحه لها ، و كانت الوقفه في الطابور الصباحي تذكره فيه لانه سبق وقال لها : يحب يراقب الطلاب ويشوف كيف نظرتهم واحلامهم وحتى طموحهم يبداء من هذا الطابور ،، اشياء كثيره تكلم عمر فيها واصغت له بحب ،، ريم عاشت في بيئه قاسيه مع ام واب واخ قاسين ، وبعدها شتات والم بسبب اللي صار لمتعب ، عمر كان الوحيد اللي قدر يعلمها ان الحياة حلوه وان فيه شي اسمه حب وان العطف والين مفتاح القلوب وان الحب موجود حتى مع اقسى القلوب ، لكذا هي اول وحده فهمت حب متعب لهنا وعرفت حقيقه مشاعره ، عمر قدر يعلم ريم كيف تعبر عن حبها ومشاعرها وكيف تفهمها قبل كل شي
عكس مرام اللي ما تعرف غير الشده والقسوه وزادها دخول خالد اللي اجبرها تكمل قسوه علشان تثبت انها بنت قويه ما يغريها كلام معسول من لعاب او تهديد من مجنون ،وحاليا خالد قاعد يعلمها بس المشوار قدامه طويل

نورة في المختبر لوحدها لان زميلاتها طالعين بريك ، دخل عندها الدكتور الاجنبي وسال ، كانت المحادثة بالانجليزي :  Do you work here?( هل تعملين هنا )
نورة : yes I do  ( نعم انا كذاك )
قال :  Bring your tools and follow me  ( احضري ادواتك واتبعيني )
نورة : I can't, it's forbidden ( لا استطيع ممنوع )
قال : Don't worry, I'm in charge ،   Harry up ،( لاعليك انا المسول ، هيا اسرعي )
اخذت نورة بعض الاغراض وطلعت معه اخذها لعيادته وحصلت مره كبيره في العمر كانت كاشفه وجهها
الدكتور : Take her blood sugar test ( خذي لها تحليل سكر )
جلست نورة قدامها ومدت المره يدها وقالت بالعربي : بسم الله
قرب الدكتور منها وباس راسها
نورة مسكت يدها ( Don't be afraid ) لا تخافي
انتهت نورة وطلعت وهي مستغربه المره ملامحها عربيه و واضح ان فيه علاقه بينهم لانه يمسك يدها ويبوس راسها