وصي خيالك يجيني لا يخليني

خمسه وعشرون

ريم : اوبر الحين الساعه ثنين صاحيه انت ، لا ومتعب برا والله ان يذبحنا و يذبح السواق المسكين
ارجعت هنا تضرب الارض وهي تصرخ بقهر ، وريم واقفه قدامها عاجزه ، ومتعب ينتظر في السيارة وهو يجهز اغنيه جديده يبغى يهديها لها
التفت متعب لحصه : بنت انزلي قولي لهم يستعجلون
حصه ببروده : الحين يجون
لحظات وطلعوا ، ابتسم متعب وهو يشوف هنا تقرب من السيارة وطرف فستانها الاحمر واضح ،، غصب عنه ابتسم وقلبه صارت يدق بقوه لانه تذكر شكلها الفاتن ، اركبت ريم بجنبه وهنا وراء للاسف حصه خربت عليه وركبت وراه تماما
مشى متعب والمسجل شغال بس كان موطي الصوت شوي بدات كلمات الاغنيه اللي توصف حال متعب وشعوره
( حدي نظر ) لخالد عبدالرحمن اللي متعب يعشق اغانيه ويحسها تتكلم عن مشاعره وتوصف حاله
حدي نظر .. حدّي نظـر ..
ما بغيت أكثر .. حدّي نظـر
الله أمـر .. الله أمـر
لعيونك أسهر .. الله أمـر
واجهت عينـي مــلاك الـحـسن في حيــره
وانعقـد حرفـي وخـان الوصـف تعبيـره
قسمتـي بك .. ياقمر
حدّي نظــر ..

حصه : متعب اخوي حبيبي
ضحك متعب اللي عرف ان وراها طلب وقال : قهوه
حصه : لا شربنا قهوة لين طلعت من حلوقنا واكيد ماراح ننام الليله ، وانت بعد ماراح تنام اكيد
ومدت يدها تقرص هنا اللي غمضت عيونها وهي تتحلف في حصه ومتعب ما فهم عليها ، للاسف هنا ماقدرت تطلب اوبر لان ريم ذكرتها بجنون متعب وانه مستحيل يسمح لها تركب معه ، لكذا استسلمت وركبت بس حصه مو ناويه تجيبها على بر معها