وصي خيالك يجيني لا يخليني

واحد وعشرون

بارت قبل الاجازه استمتعوا والمره هذه صدق صدق بعد اسبوع اشوفكم لاني بسافر ✈️
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺

هنا جالسه مع زوجة عمها ام سطام  والكل ساكت ويترقب الاخبار وكان ابو سطام جالس في المجلس مع عياله
ام سطام : ناموا يمك وان شاء الله نقوم على اخبار زينه ، هنا وانا عمتك نامي في غرفة ساره وسلمى
هزت هنا راسها ودخلت  مع البنات غرفتهم انسدحت بس ماجاها النوم كان الندم ياكل فيها لانها ماقالت لهم انها شافته في مكه حتى لو كانت مو متاكده هي  المفروض تتكلم وتقول مو تسكت هي اصلا ماتدري ليش سكتت وهي تشوف حالتهم وخوفهم ، هي للحين ماقالت لهم انها شافته وش يفيد اصلا لو تقول لهم الحين
سلمى انتبهت لها وسالت : الحين صدق وش صاير له ، احس الموضوع اكبر من حادث سياره لاني سمعت ابوي يقول ( مسكوا المجرم او باقي )
زفت هنا : مدري عن شي ولا تسالوني
سلمى : وععع نفسيه
ساره : سلمى خلاص فكينا منك
سلمى : ياخبر اليوم بفلوس بكره ببلاش
هنا : استغفر الله العظيم
هنا دعت ربها ان يلطف بحال متعب علشان عمها المسكين اللي تبهذل من بعده وعلشان امه واخواته بعد
وصل لهم الخبر ان متعب للحين ما فاق وان حالته حرجه 
هنا حست بغصه في حلقها وكانت تبغى تبكي بس استحت وراحت للحمام ( تكرمون ) وبكت بالم يقطع القلب كان تسكر فمها بيدها علشان ما اخد يسمع صوتها
هنا عقلها متعبها كثير لانه يصور لها انها هي السبب في اللي صار لمتعب برغم انها ما كانت تدري وكانت مجبوره تسوي كذا ، بعد ما انتهت غسلت وجهها وطلعت جلست مع ان وجهه كان واضح انها باكيه بس ما احد قال شي او علق
هنا بعد رسالته الاخيره اللي فتحت عقلها عرفت وتاكدت ان متعب يحبها صدق ، هي حتى يوم سولفوا عليها بنات عمها وعلموها عن حب متعب لها وكيف تعب وانهار بعد ما عرف بزوجها ما كانت مره مصدقتهم و تحسهم يبالغون