وصي خيالك يجيني لا يخليني

التاسع

كان خالد هو الوحيد اللي يظهر اهتمام في متعب خاصه بعد ماشاف الجفاء والتجاهل من اهله له ، وكان فرحان انه قدر ياثر عليه ويقنعه يكمل دراسته ، طبعا هو ترك مرام ولا عاد ازعجها بس ماقدر يطلعها من عقله ابد وكان اذا حس نفسه ضعف ويبغي يدق يتذكر ثقة متعب فيه ويهون ، حتى قدر مع الايام يتجاوزها ،، خالد رجع له شغف الرسم من جديد بعد ما قطعه قبل خمس سنوات بسبب مشاكله مع زوجته الاول اللي كانت تغار اذا شافته رسم بنت او حتى عين ، ماقدر يستحمل صغر عقلها وتفكيرها الغبي وطلقها بعد شهرين من الزواج ، هو حاول يفهمها ويصبر عليها بس هي كانت تتعمد تستفزه وتطلعه من طوره وفي يوم دخل البيت وسمعها تصارخ على امه واخته نورة ، ويوم تدخل علشان يفهم الموضوع قبل يظلم احد صرخت بكل وقاحه : ايه اكيد بتوقف مع امك واختك العوبه
نورة بحده : انت العوبه وقليلة الادب
انور : انت اللي قليلة ادب يا البرصه
نورة كانت مصابه بالبهاق وخالد ما استحمل كلام زوجته عليها على طول مد يده وضربها وهي كانت تصرخ وتسبه وتستفزه اكثر خالد فقد عقله وصار يضربها بجنون وامه واخته تدخلو وسحبوها من يده لا تموت ، وهي دقت على ابوها اللي هو خاله وصل هو وعياله وتهاوشوا مع خالد ووصل فيه يضربون بعض
خالد طلق وحلف ما يسامح خاله ولا يسلم عليه ولا على عياله ، وللاسف بعد شهر وهو في قمه غضبه وقهره تزوج بعد ما امه اقنعته وكان هذا القرار خاطي وظالم له وللعروس الجديدة ، لانه باقي ما تعافي من زواجه الاول وهي مسكينه مهما حاولت ماقدرت توصل له لكذا طلبت الطلاق بعد شهر وخالد علشان مايظلمها بوعود يمكن مايقدر ينفذها في المستقبل طلقها ، وطلع فكره الزواج من عقله نهائيا حتى ان امه معاد تزن عليه وكانها استسلمت هي بعد
خالد كره الرسم بسبب هذه المشاكل اللي انهالت عليه مره وحده ، لانه بدل مايريحه  كان يذكره في المشاكل والتعب والضغط اللي كان عايش ذيك الفتره 
لكن الحين رجع له الشغف واحساس الراحه بعد ما تعصف فيه الافكار والرغبات الغير مفهومه ، صح كان اغلب رسمه خطوط ودوائر عشوائيه يطبع عليها الطابع السوداوي بس تريحه وهذا المهم وتخفف على عقله وقلبه ، خالد اكثر من مره كان راح يضعف ويعترف لمتعب باللي سواه بس في اخر لحظه يتراجع لانه خايف تنقطع علاقة بعدين معه وهو يحتاج متعب في حياته مثل ما متعب يحتاجه ، يحتاج متعب علشان يذكره بطيبه القلب والنخوه والاخوه والصبر ، كان خالد يستغرب قوة الصبر عند متعب وكيف انه يستمد القوه من داخله رغم ان الكل تخلا عنه ، خالد كان دائما يردد ابيات شعر كل ماشاف متعب لانها توصف حاله
الدهر أدبني والصبر ربانـي
والقوت أقنعني واليأس أغناني
وحنكتني من الأيـام تجربـة
حتى نهيت الذي قد كان ينهاني.