وصي خيالك يجيني لا يخليني

الثالث عشر

سعود جالس مع ام انس  في ساحة الحرم المكي وكان جايب لهم عصير
ام انس : سعود ياولدي ،ممكن طلب
سعود : انت تامرين ياخاله
سعود من كثر مايشوف ام انس في الحرم تعلق فيها وصار يسلم عليها وهي صارت تنتظره في المكان اللي يحب يجلس فيه لانها تشوف فيه العرض عن فقد ولدها وتحس ان الله ارسله لها علشان يعالج جروح الفقد اللي لها سنتين تنزف ، اما سعود لقى فيها الحنان اللي فقده بعد ام مناحي
ام سعود : ما يامر عليك ظالم ، سعود انا حرمه وحيده والكل طمعان فيني ، وانا ما اعرف الشغل ، كانوا اخواني هم اللي يشتغلوا في الشركه ايش رايك تشتغل عندي وتمسك ادارة اعمالي بما انك تدرس ادارة اعمال وشاطر في الحساب
ابتسم سعود : متاكد موظفينكم فيهم البركه ، بعدين انا مرتاح في شعلي والله
ام انس : كيف مرتاح وانت ضاغط على نفسك يا ابني الجامعة محتاجه مخ متفرغ 
سعود : الحمدالله مضبط وضعي على جدولي ، وابشرك انا فزت في مسابقة الصوره وحصلت مبلغ حلو اشتريت فيه سيارة وجوال ، وانا مجمع رواتبي وراح انقل في شقه ثانيه
ام انس : طيب انا عندي عماره وراح اعطيك شقه بسعر حلو ، لا ترفض بالله
سعود : انا عزابي
ام انس : هي عماره لشقق مفروشه ، واذا توافق راح اسلمك ادارتها هيا يا ولدي لا ترفض برضاي عليك
سعود : اسمعي ياخاله ، انا اول ما اشتغلت في البوفيه وعدت ابو مهند اني اهتم في الشغل خاصه يوم عرفت انها لايتام ، وتركي الشغل الحين مو حلو في حقهم خاصه انهم ماقصروا معي سمحوا لي انام في المخزن من غير اجار
، لكذا خليني اول ادور لي بديل امين وحريص على الشغل
ام انس : الله يوفقك ياولدي ويسخر لك
سعود : ايه يا خاله كثري لي من هذه الدعوات هذا اللي انا محتاجها
ام انس : الله يفتح لك ابوب رزق مبارك ويريح بالك ويرد لك حقك وينصرك ، اسمع ياسعود يا ولدي اذا احتجت اي شي او واجهتك مشكله لا سمح الله لا تتردد وتدق عليه ، بعطيك رقمي ورقم المحامي حقي
سعود : جزاك الله خير
سعود طلع من الحرم راجع للبوفيه وكانت كامرته معه زي كل مره ، شاف بنت صغيره تلعب مع الحمام ، وابتسم وصورها بعدين كمل طريقه