وصي خيالك يجيني لا يخليني

خمسه وثلاثين

عبدالرحمن بعد ما علموه عن خطة عناد قال لهم : خلوهم يرفعون القضيه ويحددون وقتها بعد بعدها راح اقلب الطاوله عليهم واكشف تزويرهم وتهديدهم وازعاجهم لها ، علشان يامر القاضي بنفسه بسجنهم والتحقيق معهم على طول من غير تاخير
سعود وخالد وعبدالرحمن كانو مسوين خطه علشان يسقطون عناد وعادل بنفس الحظه بس للاسف ماقدروا يقولون لمتعب عنها لانهم خافوا متعب يسوي شي ويخرب عليهم وسعود كان خايف على متعب كثير من الصدمه بس خالد قوى قلبه كله علشان يرتاحون وينتهى موضوع عناد بسرعه

عبدالرحمن ابتسم وقرب من القاضي وقدم مجموعه من الاوراق وقال : القضيه مطعون فيها بسبب التزوير وايضا بسبب تعرض موكلتي هيا حامد للازعاج والابتزاز من عناد طليقها السابق واطالب بمعاقبته هو ومحاميه
ابو عناد بانفعال : كذاب عناد مستحيل يسوي كذا
عبدالرحمن : الاوراق تثبت فعل ولدك وايضا يبدوا ان عناد يستخدم برنامج ممنوع دوليا وهذا البرنامج يتيح له يكلم موكلتي من ارقام غريبه كل فتره
الاوراق كانت الرساله وسجل المكالمات وصورة من الرسائل
ابو عناد اجتاحه خوف على ولده وصار يخبط في الكلام : عناد مريض هو سوي عمليه قلب ، هي خانته وهو كان يبغاها ، اكيد تكذب اكيد تبغى تنتقم منه عناد مسكين ما يعرف شي الله يخليك عناد ضعيف والله ما يستحمل