وصي خيالك يجيني لا يخليني

الثالث والعشرون

بعد ما مشوا المعازيم والشغاله تنظف المجلس وتشيل الاغراض انتبه متعب ان الباب الفاصل بين القسمين مفتوح ، التفت حوله ابوه مو موجود ونايف جالس على جواله والشغاله تكنس
قرب من الباب يبغى يدخل بيت جدته ويشوف هنا اللي من اليوم يفكر فيها وبيتحجج انه مايدري انها هنا ، او انه نسى وجودها ، دخل بخطوات بطيه بس للاسف جاه صوت ابوه يوقفه وقال : متعب يابوك لا تدخل بنت عمك فيه ولا تحل لك
لف متعب هز راسه وصعد لبيتهم بسرعه من الاحراج لان ابوه كشفه وهي يردد داخله ( يكفي انها فيه ) دخل بيت اهله و قربت منه امه : يا هلا تو ما نور البيت يمي
حضن متعب امه وباس راسها : منور بوجودك يا ام متعب
ام متعب : غرفتك جاهزه خواتك مرتباتها لك وكل اغراضك فيها
هز متعب راسه وصار يدور في البيت ويدخل الغرف كان مشتاق له كثير ومشتاق لايام قديمه كان فيها بخير ، دخل غرفة حصه وشاف السرير وابتسم
وقفت حصه بجنبه وقالت بخجل : كنت برجعه بس هنا ارفضت
متعب : اكيد بترفض لانك خربتيه يا دبه
ضحكت حصه وقرب متعب منها و لف ذراعه على كتفها وباس راسها : امزح انت حلوه
متعب حاول يتكلم مثل سعود لما يتكلم مع سمو ومجد بس هذا اللي قدر عليه
حصه باحراج : اعرف
متعب : تعرفين انك حلوه او اني امزح
حصه بغرور : الاثنين
متعب لف يده على ارقبتها كانه يخنقها يمزح : يا واثق
بعدين تركها وطلع وجلس في الصاله
مرام : تبغون قهوة
ام متعب : لا والله بنام يمك ، متعب يمي تبغى شي انت
متعب : لا حتى انا بنام
مرام : حتى انا بنام عندي دوام بكره
متعب : وين ريم
حصه : نايمه
سكت متعب يناظر في باب غرفة حصه المفتوح وكان السرير واضح له فجاه داهمت متعب ذكرى اليوم اللي اكتشف فيه ان سرير هنا مع حصه