وصي خيالك يجيني لا يخليني

اثنان وعشرون

العصر ارجعوا البنات الرياض و خالد رجع معهم في نفس الطيارة وكان يراقبهم من بعيد حتى تطمن انهم انزلوا من الطيارة واخذوا لهم تكسي وراحو بيتهم ، وهو راح بيته ، دخل وسلم على امه وانحني يبوس راسها ويدينها بعدين جلس قبالها
ام خالد بقلق : بشرنا يمك
تنهد خالد بتعب : الحمدالله طيب وبداء يمشي ويتحرك وياكل
ام خالد بصوت باكي : يارب لك الحمد اللي عافاه ، مسكين ماخلت عليه الدنيا من العزاير
خالد : ايه والله ما يلحق يتعافي من مصيبه يطيح في الثانيه
ام خالد : كيف امه وابوه 
خالد : شوفت متعب متعافي خلتهم احسن
ام خالد : ليش ما رجعوا كلهم و متعب معهم
خالد : صعبه على متعب يسافر وهو في هذا الوضع بعدين احس متعب مستحيل يرجع لانه واضح مرتاح هناك
ام خالد : الله يسهل له امره
مسك خالد يد امه وحطها على راسه وقال : تعبان يا ام خالد اسبوع مانمت زين
ام خالد تسمح على راسه وتبوسه : سلامتك يابوي والله يجزاك خير على تعبك معهم
خالد ماكان بيرجع بس للاسف استنفذ كل ايام اجازته واضطر يرجع
مع انه للحين يحس بقلق على متعب وخوف من الكلام اللي قاله ، خالد كان يمر متعب واهله عنده علشان ما يكونون لوحدهم ويسأله متعب عن كلامه
هو حتى ماقدر يقول لمرام لانه خاف تسوي شي وتكشف للكل سواته