.....نكره روحي ، مش عارفة علاه أما نكره كل تفصيلة فيا ...نكره ضعفي ....ونكره ضحكتي ....نكره حشمتي ونكره حياتي ونكره كل حاجة متعلقة بيا انا .....هل حياتي متعلقة بهاد الشيء ...مش عارفة ومش حابة نعرف ....
نفس الكاسيطة لي يسمعها دايما ، حك سنيه بغصن لقاه في الطريق وهو يزفر بملل يشوف فيها من المراية المعاكسة لمرايتها .....تثاوب بشوية وناض مطلع سروالو الفضفاض عليه وخارج من دارو ......كي عادتها مدايرتلو القنطة من الكاسيطة هادي ....عليها لازم يخرج ويبدل شوية......
....خرج راسو من الباب وهو يشوف مع القمر الدموي في هاد الليلة .....إذا كانت فكرة القمر الدموي عند الإنس غريبة ...فعند الجن حاجة عادية وطبيعية.....خرج من دارو معصم راسو بعمامة برتقالية مخططة وغريبة شوية ......هيئتو هيئة جني ...بشكل مخيف بالنسبة لينا أما بالنسبة للجنيات منقدرش نضمنلكم مدى جاذبيتو عندهم .......
.....ماشي وعينيه كي الثعبان يلتفو ويدورو ما طلق حتى بلاصة بلا ما يتوقب عليها .....معروف بالفصول والحيلة والخبث عند قبيلتو ..... وعندو هواية خلاف تاني مسمينو عليها......
....طلع فوق دار من الديار ويطل على راجل ومرتو من الجن يتقابدو للمرة الألف وهو يضحك عليهم بشوية ...أما سرعان ما تبدلت ملامحو كي تفكر روحو......
"....أنا باير كثر منهم ونزيد نضحك عليهم ، الله يلعنك يا جيهان برك ......ما تتمتعي ما تخلي نعمة ربي تنزل ...."
.وزاد نقز لديار خلاف يطل من النقبة ويشوف ...ويحاول يزيد شوية من عندو باش يخبر الناس غدوة .....خفة جسمو مخليتو ميتحسش ....
....وهادا هو روتينو في الليل ، ماهوش من النوع الرقاد لأنو أصلا فنيان وميخدم والو كيما الجن الأخرين اللي يكونو قرناء لإنسيين......هادوك يروحو العالم تع الإنس ويقلقوه شوية مع بعض الوسوسات لي يعيشوها ليه ....وكاين لي يخدم في السوق ويتعامل مع السحرة ...وكاين لي حاكم سابعو كيما هو .....مايقرب ما يندم لبني إنس ....ومعندوش معاهم ....كيما هو .....عليها عمرك تلقاه راقد .......لانو أصلا ميغلبش ....والدراهم يقدر يجبهم بأفكارو المتلاعبة والخبيثة ......
......شوية هكذا حبس عند واحد السطر شوية طويل من الجن .....منظر شوية غريب ....طل على الدار البيضاء والكحلة لي واقفين قدامها لقاها دار الساحر الجني ..."جاريري " إبتسم بخبث وقرب يتصنت وينقب في الحيط كي عادتو باش يشوف واش قاعد يدير جريري مع الجن الغبي لي يتبع خرافاتو الحمقاء ......
....جاريري كان قاعد بطولو الفارع ....مع لحية زرقاء وملامح شيطانية مع طقوس سحر .....يعتبر الأقوى عندهم في قبيلة "....قرناء الروح " لي سماوها هكذا على حساب انو كاين بزاف من الجن القرين هنايا عايش فيها .....مع فئة صغيرة من الأصناف الأخرى .....
حط وذنو يسمع في حديث جنية عاشقة انسي وحابة تخليه يحبها ......وكاين وحدة غايرة من جنية خلاف وحابة تربطها مع إنسية عندها كونسار باش تموت معاها .......و منهم الكثير .....لانو العلاقات مع الإنس لازملها ثمن يتدفع دايما .....ويكون ثمن غالي لانو عملية صعيبة باش تتواصل معاهم وتحتاج قوة كبيرة .....و جاريري مش حاجة جديدة عليه .......
....يوسع عينيه ويقفلهم....مصدوم يضحك من تفاهة قبيلتو لي مهووسين بالبشر في العالم الآخر .....من الفضول قعد بسمع في كلشي باش ينوض الفتنة غدوة ويشعل النيران بيناتهم.....لعبتو المفضلة ......
....كي خلص هاذاك الصف لي كاين ....دور مروح هاز معاه كمية كبيرة من الفضائح والشائعات و الأخبار لي راح يدي منها جبال تع دراهم وذهب وفضة......إبتسم للفكرة ومشا أما جاه صوت جاريري من داخل دارو ......
"....حرايقة أدخل عندي ......مش حرام متدخلش عندي بعد ما جيت قدام داري ......"
أنت تقرأ
من أجلها
Fantasy.....يقال عن القرين بأنه ذلك التجسيد الشيطاني لكياننا ...شرير ونرجسي ويمثل أعماق رغباتنا الشريرة ...هو اناني ويريد امتلاكك بشتى الطرق وبدون ملل .....ويريدك مؤنسا له في ظلمته و غياهب أفكاره....ماذا لو كان قرينك يريد مصلحتك وتوجهيك لطريق هو الأفضل لك...
