"وأنت وين تعرف هاد الشيء ...."
"....قوتي هادي هي حرايقة ....نقدر نعرف كلشي ....ومش لازم كلشي تلقى جوابو....."
حس بحاجة مش نورمال ، عدل جلستو وشاف فيه هاد المرة بجدية أكبر ....
".....يعني هي عمرها مراح تتزوج ...."
....مسح جاريري يديه والنار تلعب بين صوابعو وزروقية عينيه قاعدة تزيد ....
"....جيهان يا جيهان ....لي عمرها فرحت ....وعمرها ما راح تفرح ....لي مسطرلها هو انو تسيل دمها بيديها ....مش بعيد الموعد ...ومش قريب ثاني يعرفو غير مولانا.... سبحانه ...."
....وسع حرايقة عينيه بصدمة ....
"...رايحة تنتحر ..؟...."
....شطح الساحر براسو يشوف في الفراغ ويقرا في المخبي بين أوراق القدر ....
".....نهايتها قريبة .....ونهايتك معاها ثاني ....راح تتعذب لمدة ...راح تعيش البؤس والظلم .....وفي الأخير رايحة تموت وهي معذبة وعمرها راح تذوق السعادة في حياتها ....وانت راح تسكن معاها في حزنها وكئابتها ....وراح تموت معاها وانت عازب بتول .....ناهيج ....."
".....كيفاه نقدر نبدل القدر ....كيفاه نقدر نبدل قدري ..مش حاب نموت....مش حاب نكمل نعيش في البؤس معاها....فرقني عليها ....."
...صوتو علا وقرب من الساحر حكمو من كتافو و حركهم بقوة وشاف فيه بغضب دفين
"....فرقني عليها .....فهمت دير أي حاجة ....بدلي هاذ القدر الزفت ....ميكفيش الظلام لي عشتو بسبتها و درك راح تديلي حياتي ....دمرها ولا اقتلها أما فرقني عليها....."
.....طفات النار الزرقاء وعينين الساحر رجعت لسوادها الأصلي جبد روحو منو
"....كالمي روحك شوية ...كلشي عندو حل ....."
....طلع عينيه فيه بعد ما كان حاط يديه على راسو....عروق سوداء تجمعت جيهة عينيه العسلية .....
"....واشنو الحل ....شوفلي الحل ...."
".....الحل انك تخلي دم عذريتها يسيل قبل ما يعدي شهر هنا وعند البشر عام ....."
"....مفهمتش ....البشر لازم يتزوجو عندهم ....."
"...إذن زوجها ....زوجها هذا هو الحل وراح تتغير حياتها وتتغير حياتك معاها......"
'....كيفاه نزوجها، تشوف فيا .....مخيلة الخطابة تع وادي العفاريت ......هاديك السمينة....منعرف واالو على البشر ...كيفاه تحوسني نزوجها ....في بالك راح تسمعني هي ولا تتواصل معايا ....."
"....إذن لازملك تتواصل معاها ...وراح تخليها تتزوج قبل ما يخلص العام .....أما كاين شروط ....."
سكت شوية وشاف فيه
"......لازم تربطها بقدرها الأصلي ....لأنو بانتلي كاين تغيرات صرات بزاف في حبل القدر تاعها .....يعني هاد القدر مش قدرها الأصلي .....لازم تجمعها بالشريك لي مكتبلها اول حاجة .......بطبيعة الحال القرينة تاعو راح تكون شريكتك انت .....هي مش راح تعرف شكون المناسب ليها ....أما انت راح تحس كي راح تسكن جسدها .....أما ممنوع تقولها عليه ....لازم تخلي قلبها يدلها......وممنوع تخبرها بواش تعرف على مستقبلها ...هذا راح يكون من المحرمات وراح تتعاقب على خرق العهد ......"
"....كيفاه راح نتواصل معاها ...واذا فشلت ولا فاقو بيا الملوك العشرة .....أنت عارف أنو محرم عليا نتواصل مع انسية غير لكان هي تطفلت عليا ....."
"......كلشي سري وواحد ما راح يفيق اذا مخرقتش الشروط ....عندي ليك هاد الخيط الأحمر لي راح يتربط بيدك ....هو الرابط بيناتكم ....ويقدر يخليها تسمعك وتشوفك في اي حاجة تمد انعكاسها ......أما كي تحب تستعير جسدها .....لازملها تنطق اسمك ...وانت تنطق إسمها.....متطولش في جسدها بزاف ....لانو مش راح يتحمل زوج أرواح لمدة طويلة عندك تنسى أنو موتها هو موتك معاها........"
أنت تقرأ
من أجلها
Fantasy.....يقال عن القرين بأنه ذلك التجسيد الشيطاني لكياننا ...شرير ونرجسي ويمثل أعماق رغباتنا الشريرة ...هو اناني ويريد امتلاكك بشتى الطرق وبدون ملل .....ويريدك مؤنسا له في ظلمته و غياهب أفكاره....ماذا لو كان قرينك يريد مصلحتك وتوجهيك لطريق هو الأفضل لك...
