قفلت باب بيتها من وراها منهارة ....مسحت وجهها وشعرها بكفوفها ، مش عارفة واش دير ولا واش تهدر...نحات الغطا على المراية لقاتو مكانش ....
"...أظهر قدامي....درك تظهر قدامي......"
...مكانش جواب كان صوتها برك يتسمع ....هاد المرة عينيها حمارو من الغش ونطقت
"...إذا مجيتش درك ...راح نقتل روحي قدامك ...."
....شوية هكذا سمعت صوت لقاتو واقف قدامها أما لون عينيه البني مكانش ....كان لون أسود قاتم ...تقشعر منو...بقا يشوف فيها بلا حرف نطقو....كان غير يشوف فيها وعينيه مش مفهومين
....نطقت بصوت عالي وغضب ورجفة من الأعصاب لي ولاو حاكيمنها منو ....
"...راح تفسخ كل هذا وراح ترجع لحياتك وعمرك ما ترجع تتواصل معايا ولا تتدخل في حياتي لا من قريب لا من بعيد ....خلاص كلشي ...حابة نرجع لحياتي قبل ما نعرفك ....من اليوم كلشي خلص ...."
...طلع عينيه فيها بشوية يطلع ويهبط ساكت ....كان يراقب في تصرفاتها وهدرتها وتعصيبها بنوع من الهدوء لي يخوف بالنسبة ليها ....معتادة عليه يهدر بزاف ....
"...في بالك كلشي ساهل باش تفسخيه ...؟ولا هادو أعراض سن اليأس بداو يبانو عليك ......"
" ..راك تتجاوز في حدودك معايا.....حبس عندك وعمرك ترجع تعاود واش قلت درك ...."
"....هههههه حدودي ....حدودك هوما حدودي، حياتك هي حياتي وجسمك هو جسمي جيهان ....للأسف هذا هو قدري معاك يا لالة.......وعمرك ما راح تبدليه الدنيا مخلوقة هكذا ....."
"...أنت جني وهادي مش بلاصتك و محرمة عليك من درك ....ارجع منين كنت درك ..."
"...في بالك كي راح تقوليلي ارجع راح نرجع ....في بالك كي تقولي خلاص يعني خلاص ....من وكتاه عندك رأي في حياتك وامك عمرها كاملة مسيرتها بالمسطرة ...."
"...راك غالط انا حياتي هي حياتي وواحد ما يتدخل فيها مفهوم يا سي جني .."
"...اممم صح عندك الحق ....أنا نروح ونتي اقعدي اسناي في زياد يجيك كيما الأمير لي يطلب يد الأميرة كل مرة ههههه يا أميرة شارفة .....مش هكذا جيهان...."
صوتو ولا أعمق وهو يهدر معاها
"...أنت نادمة عليه ...وحاقدة على أمك لي مقبلتش بيه ...أنت غضبانة مني لانو بعملتي خليتك تضعفي قدامو وانت مش حابة تضعفي قدامو .....هادي هي الحقيقة ..."
زيرت على شعرها ونطقت بصوت يرجف وخافت
"....حبس تخيل هاد الشيء مكانش منو ....أنا رفضتو كنت صغيرة وجبانة ....مقدرتش نتقبل كي اعترفلي ...وردك شوفتو خلاتني نشفق عليه من قبل وحابة نطلب السماح منو...."
"....ههههه تشفقي وأنت أكثر عبد يشفقو عليه الناس ..."
أنت تقرأ
من أجلها
Fantasy.....يقال عن القرين بأنه ذلك التجسيد الشيطاني لكياننا ...شرير ونرجسي ويمثل أعماق رغباتنا الشريرة ...هو اناني ويريد امتلاكك بشتى الطرق وبدون ملل .....ويريدك مؤنسا له في ظلمته و غياهب أفكاره....ماذا لو كان قرينك يريد مصلحتك وتوجهيك لطريق هو الأفضل لك...
