.....بقاو على وضعيتهم لمدة طويلة. حتى ناض هو وناضت هي من فوقو، واش راهو يدير هذا هنايا بالذات ، بقا فيها ومش مأمن عينيه ، جيهان في هاذ الوقت برا وزيد في كباري ، عمرو توقعها منها ....سكتو في زوج وكل واحد فيهم يتفرج في مكان غير مكان اللوخر.....هو سكوتها قلقو
"....جيهان مساء الخير يا لالة ......"
...هزت عينيها فيها حشمانة وصوتها باين متوتر من الشيء لي راهي عايشة فيه درك ...
"....مساء الخير زياد صدفة سعيدة ...."
"...صدفة أما كلمة سعيدة متنطقش درك ....وقدام بار ..واش راكي ديري هنايا ....؟..."
"...جيت برك مع صاحب ليا ومن بعد معجبتنيش الأجواء روحت هاذي هي ...وانت واش راك دير هنا ....."
....محبش يبان مصدوم من هدرتها أما صدمتو ...كانت قدام عينيه في صغرها وشبابها ...كانت راكحة وواعية وعاقلة فوق اللازم مسميينها المعقدة في حومتهم....الطفلة متقدرش تشوف فيك من الحشمة أما حاسسها تبدلت هو بيدو مش عارف علاه راهو يحوس على نسختها القديمة ......علاه مزال حاب يشوف جيهان لي عطاتو رفض قداه من مرة ....واش لي مخليه واقف درك ويحكي معاها .....
"...جيت مع صحابي وخرجت نتكيف ..."
"...مرتك عارفة بأنك هنايا تسهر ومخليها تربيلك في بنتك .....؟...."
....سكت ، من جيهة عندها الحق ومن جيهة مش حاب يفضح روحو ويفضح كذبتو لي لازم تكمل ....
"..ربي يعفو علينا ....الله غالب مع صحابي فورصاو عليا ...وزيد هي مدايرة فيا ثيقة ....بصح موضوعنا مش انا موضوعنا هو انت وجيتك هنا ....أنا ممكن راجل ونقدر نجي أما طفلة وحدك وزيد كيما نتي ميجيش ...."
تبسمت بإستهزاء ناطقة هاد الهدرة في قلبها طبعا متقدرش تقولو هدرة تحسسو انو مضرورة ...ملازمش......
"...طفلة كيفي؟...علاه السهر تخلق لبنات مش كيفي ...لبنات شابات و جذابات وصغيرات مش كيفي انا الشارفة مش هكا......"
رجعت هدرت بهدوء
"...حبيت نجرب برك ...."
"....يعني هذا هو المستوى تاعك ، جاية لبار في هاد الساعة وبقش كيف الخامجات تع اليل وفرحانة بروحك ....واش جابك هنايا قوليلي ...وزيد رامية روحك قدام طموبيل ، يا مدرى واش شاربة ....؟..."
...هزت عينيها التعبانين فيه ...مش لاقية واش تهدر عندو الحق في كلشي قالو ، هي مش هكذا وعمرها كانت هكذا قلبها قاعد يوجع فيها ، هو مش عارف أنو هي حبت تموت وراهي في وعيها الكامل ...تبسمت بإستهزاء وهي تشوف النظرة في عينيه لي كانت تع إحترام تبدلت لحاجة خلاف ...
"....سامحني مش عارفة واش صارلي ، شكون لأنك منعتني ...بون وي...."
مشات وخلاتو واقف وهو يشوف فيها ماشية مصدوم، هذا واش خسرت عليه ، خسرت عليه زوج كلمات وراحت .....بقا باهت .....
"....جيهان واش لي غيرك هكذا ، واشبيك وليتي هاربة مني.....كاين مشكل قلقتك في حاجة .....مهما صرا بيناتنا رانا كنا جيران....."
....محبتش تدور ، مسحت دموعها بكف يديها والبرد كلاها ونطقت بصوت يرجف ...
"...مانيش نهرب منك زياد .....راني نهرب من روحي صدقني ...."
أنت تقرأ
من أجلها
Fantasy.....يقال عن القرين بأنه ذلك التجسيد الشيطاني لكياننا ...شرير ونرجسي ويمثل أعماق رغباتنا الشريرة ...هو اناني ويريد امتلاكك بشتى الطرق وبدون ملل .....ويريدك مؤنسا له في ظلمته و غياهب أفكاره....ماذا لو كان قرينك يريد مصلحتك وتوجهيك لطريق هو الأفضل لك...
