...عض على شاربو ودور ليه يبتسم بتوتر واضح عليه
"....لا كنت معدي برك ، درك راني مروح ...ليلتك زينة ..."
.....ناض من بلاصتو وقرب ليه مخليه جامد في بلاصتو والخوف في قلبو بدا يتسلل مع انو محابش يبين ....
"....حرايقة يا حريقة مناويش تحبس هاد الطبايع ....وتبدأ تخدم على روحك كيما أقرانك ......"
".....هاد السؤال نورمالمو نوجهو ليك انت الاول ...لي راك تكذب وتفستي على الناس .....مش عيب على عمرك يا جاريري ....."
....تبسم ليه ورجع في بلاصتو قعد وطلع راسو معاه ...
"....قولي واش كنت دير منين داري ...."
"....والو كنت واقف برك....."
"....و الثقب هاذاك لي كان في الحيط ...."
...اصفار وجهو وشاف فيه يحاول يغطي على كذباتو....
"...ممكن فار من الفيران ...."
قرب ليه شوية والحيلة بدأت تلمع في عينيه ...همس للساحر في وذنو بخبث ....
"....ولا ممكن واحد من الحاسدين لي حاسدينك على خيرك يا سيدي الجاريري......"
مسح على وجهو وطلع عينيه فيه
"....أي واحد يجي عندي عندو حاجة جابتو ...كاين لي حاب ملك ...وكاين لي حاب جاه ....وكاين لي حاب إنسية ولا إنسي ...وحاب غرامهم ....أنت يا ناهيج واش هي حاجتك ...حاب نعرف ......"
....ملامح وجهو تبدلت كي سمع اسمو وشاف فيه ....
"....متعيطليش بهداك الاسم ....عيطلي حرايقة ....اسمي حرايقة ....نشعل النيران والفتن وين ما تحطيت.....نحرق قلوب كامل الجن ....عليها سماوني بهاد الاسم من نهار عرفت واش في هاذ الكون......"
...تبسملو وشاف فيه ....
"....مهما أنكرت شكون انت ....أنت مجرد قرين لإنسية إسمها جيهان .....أعرف قدرك وعمرك تطمع في حاجة كبيرة عليك ناهيج ....لانو قادر نارك تحرقك انت الاول ....قبل ما تحرق حتى جني......"
...دور وجهو خارج من الدار ....أما كلام الساحر حبسو ...
".....نقدر نعطيك واش جاب حرايقة ...نقدر نمدلك أي حاجة انت رايدها ....قولي حاب ندير فيك خير ...."
تبسم بإستهزاء وشاف فيه ...
"...حاب نتزوج تقدر تعاونني....."
....هز الساحر حاجبو بقلة فهم .....
"....كيفاه تتزوج وقرينتك من الإنس مش متزوجة ....؟."
".....هههههه شفت روحك بنك مجرد خداع تبيع الوهم للجن الأغبياء .....أنا مش غبي مش تقدر تخدعني كيفهم ....يخي راك قوي وتقدر على كلشي .....مالا حاول تبدلي قدري وتخليني انا تاني نتزوج ......"
"...نقدر نعاونك أقعد قدام هاديك النار الزرقاء مقابلني..."
....شاف فيه حرايقة بإستغراب وقعد مقابلو....هو عارف أنو الساحر مش راح يآذيه ....عليها قعد مع أنو مش مقتنع بهدرتو بزاف .....
"....ما عليك غير تبدل قدر قرينتك.....وبالتالي قدرك راح يتبدل كيفها ....."
"....جيهان ....؟؟؟.."
هزلو راسو بهيه وشاف فيه وعينيه تغيرو لونهم بلون أزرق زجاجي ......ماد يديه فوق النار الزرقاء لي قدامو .....
".....جيهان قرينتك الإنسية، قدرها مش مليح على حساب واش راني نشوف ......وانت راح تعيش معاها نفس المصير لأنكم مرتبطين بعضكم البعض من حياتكم لموتكم ....."
أنت تقرأ
من أجلها
Fantasy.....يقال عن القرين بأنه ذلك التجسيد الشيطاني لكياننا ...شرير ونرجسي ويمثل أعماق رغباتنا الشريرة ...هو اناني ويريد امتلاكك بشتى الطرق وبدون ملل .....ويريدك مؤنسا له في ظلمته و غياهب أفكاره....ماذا لو كان قرينك يريد مصلحتك وتوجهيك لطريق هو الأفضل لك...
