....شافها دخلت لبيتها محنية شوية باين التعب عليها ووجهها ميتفسرش ....تمتم بين شواربو تعويذة عطاهالو الساحر وعينيه عليها ....حس بحاجة مزيرة عليه ....شغل طاقة مش عادية تسربت منو ....وقف قدام مرايتها وهي كانت تشوف في المراية من الجيهة الأخرى.....ملامحو المخيفة تبدلت لملامح بشرية لشاب صغير ....بشرة حنطية ، خشم طويل مع عظام وجه بارزة،.....كان يشبهلها في الملامح شوية .....لمت شعرها وتمسح في الماكياج قدام المراية .....دورت وجهها تجيب المشطة، وهي تلف وتطلع عينيها شافت إنعكاس راجل في بلاصة إنعكاسها ...
...قلبها خبط ألف في الثانية ....وملامحها اترعبو بخوف واضح ......بعدت من المراية وحاطة يديها فوق قليها ترجف .....
جاها صوتو العميق لي فيه نبرة قوية وهادية....
"....جيهان. .....جيهان راكي هنا ....تسمعي فيا......جيهان ..."
صوتو كان هامس أما يتسمع في طبلة وذنيها .....عيطت بأعلى صوتها .....حتى جات أمها تجري هي سلاف ....حلو الباب لقاوها قاعدة في الأرض ترجف ووجها صفار وعينيها مصدومين في المراية قدامها.......
"....جيهان بنتي وش كاين ....شبيكي تعيطي ....واش صرا واشبيه وجهك صفر انطقي ......"
"....ششششش شوفي شوفي منين المراية .....راجل ..."
....دورو وجوهم في زوج يشوفو فيها .....وزادو شافو معاها .....
"....جيهان مكاين والو بنتي راكي غير تتخايلي...تعب برك ...."
نطقت سلاف
"....نوضي دوشي تفطني وروحي ترقدي غير تعب لي دارلك هكذا ......"
"......ماما شفتو ...والله شفت حاجة ...و زاد عيطلي سمعتو ......"
"...خالتي خليها ترتح درك تفطن وحدها....."
شافت مها فيها بقلق أما ناضت وخلاتها من وراها قافلة الباب .....
ناضت واقفة مقربة بشوية من المراية ....أما الإنعكاس مزال كاين يشوف فيها ببرود ....حتى نطق
"...خلصتي إسمعيني درك ......"
شحب وجهها وتجمدت في بلاصتها ، بدأت تقرأ في القرآن لي حافظتو كامل في هاديك الدقيقة مغمضة عينيها على أمل أنو يختفي واش راهي تشوف درك ....
أما كي حلت عينيها لقاتو يشوف فيها ومزال موجود ونطق
"أنا ناهيج ....القرين تاعك جيهان...."
أنت تقرأ
من أجلها
Fantasy.....يقال عن القرين بأنه ذلك التجسيد الشيطاني لكياننا ...شرير ونرجسي ويمثل أعماق رغباتنا الشريرة ...هو اناني ويريد امتلاكك بشتى الطرق وبدون ملل .....ويريدك مؤنسا له في ظلمته و غياهب أفكاره....ماذا لو كان قرينك يريد مصلحتك وتوجهيك لطريق هو الأفضل لك...
