....خنزرت فيه بغيض من صراحتو الزايدة لي رايحة تقتلها كاش يوم ...
"...علاه مزالك مصر تقول حبيب القلب ..؟...قتلك منحبوش ..."
...قلب عينيه في السماء بملل وزفر ..
"..نتوما البشر غريبين بزاف والله....يعني كلشي واضح أما في نفس الوقت تخبو ...نتي باينة تحبيه وهو كيفك ...علاه راكي مصرة تنكري هاذي الحقيقة...مش رايحة تبدل حاجة كي تصارحي روحك بنك طحتي فيه من قبل و درك زاد حيا الحب هذاك ....أما للأسف الوقت تأخر ...الراجل دار عايلة ...ونتي راح تكوني مجرد مخربة ديار كيما تقولوها نتوما ....مش عارف المبدأ هذا لانو عندنا الجني يقدر يتزوج قدر ما يحب ووقت ما يحب ..."
"....جامي حكيتلي على روحك ، ولا منين جيت وكيفاه جيت .."
....دور عينيه للفراغ بلا ما يرد وهي عدلت شعرها من ورا وذنها وسكتت...
"....عالمي مختلف على عالمكم شوية أما الأساس هو هو ..تاكلو لحم بعضكم وحنا تاني ...تآذيو بعضاكم وحنا تاني ...مقسمين رواحكم لطبقات وحنا تاني ..."
....وسعت عينيها شوية ، حست روحها كأنو قاستو في بلاصة حساسة ....
"....تسما انت شفت غير الحاجة لي مش مليحة ..عمرنا نشوفو الجانب الأسود من الدنيا...لازم دايما نشوفو الضوء لي رايحين نشوفوه في آخرها ....حتى القبر المظلم ربي عطاه نور للناس المومنين ...."
...تبسم بشوية هاز حاجبو معاها ....
"....ساعات نقول عقلك يوزن بلاد أما ساعات نحب نكسرو من الغباء لي يحكمك ...روحي هيا سي راجلك ينسى..."
...تنهدت و ناضت هازة الساك وهابطة لتحت ...شافت أمها قاعدة مع مرأة مش واضحة ملامحها ليها ....قربت شوية حتى سمعت اسمها جيهان في المحادثة ...جات دور أما لقات روحها تأخرت ....هربت تجري باش متسقسيهاش على الأقل وين رايحة.....
ركبت الطموبيل متوترة بإتجاه القهوة لي قالها عليها ...حبست وقارات وخرجت نفس طويل ، شافت مع مراية الطموبيل وشافت في حرايقة. ...
"...نقدرو نأجلو الحكاية؟....."
كشر انيابو بيها ...
"...جيهان متهبلينيش مبقاش وقت اتحركي ولا خليني انا نفري الحكاية مش قلتيلي من اليوم نتبع رايك ...."
...قرأت قرآن وهبطت لقاتو يسنا فيها و قاعد مع قهوة وكأس ماء قدامو ....قعدت وتبسمت ليه بشوية بلا ما تمد يدها ليه مش حابة تخليه يقيسها....
"...اسمحلي اذا طولت كانت عندي خدمة ..."
"...مش مشكل جيهان ....قبل ما نهدرو تشربي حاجة ؟..."
"... لا ، كأس ماء برك وشكرا ....."
هزلها براسو وجابولها الماء وهي في هاذ الوقت قاعدة تحلل في كل تحريكة يديرها ...جانتل مان واضح عليه ...لسانو حلو ...لعاب في الكلام ...قوي شخصية وعندو كاريزما ...ومن الساعة الغالية واضحة عندو الدراهم.....
"...ههه هانا يا لالة جيهان بسيف باش حكمناك....مكنتش متوقع المبادرة من إمرأة رقيقة كيفك ...."
أنت تقرأ
من أجلها
Fantasy.....يقال عن القرين بأنه ذلك التجسيد الشيطاني لكياننا ...شرير ونرجسي ويمثل أعماق رغباتنا الشريرة ...هو اناني ويريد امتلاكك بشتى الطرق وبدون ملل .....ويريدك مؤنسا له في ظلمته و غياهب أفكاره....ماذا لو كان قرينك يريد مصلحتك وتوجهيك لطريق هو الأفضل لك...
