من أجلها

الحلقة 8

"أعوذ بالله من الشيطان الرجيم....امشي بعد مني ...شششكون أنت منين جيت ....."

زفر قالب عينيه
"....منحبش نعاود الهدرة ...قتلك انا قرينك من العالم تع الجن ،....ومكالاه تتخلعي مش راح ناكلك ....."

قربت من المراية دايرة صبعها فوقها تحاول تشوف واش هذا لي قاعد يصرا معاها.....

....تالفة ومصدومة ...حطت يدها على خدها تحاول تستوعب شوية قبل ما يطير مخها من بلاصتو

"...أنا درك قاعدة نحلم ولا لا ، مش قادرة نأمن واش راني نشوف .....ليكون ساحريني على الزواج وهذا جني عاشق ......"

هز عينيه فيها ببطء ونطق باستهزاء

"...ملقيت ما نعشق نعشقك نتيا ، متخافيش انتي مش مسحورة .....زهرك معوج من الأصل ....."

"...الجنون تاني فمهم مشرك كي بنو إنس ولا أنت برك ...؟...."

"....لي يعاشرك يلقى فمو مشرك من الفقصة لي تركبيها فيه ، تنطقي الميت في قبره....."

لقات روحها تحكي منها بصح وتجاوب فيه عادي ... يديها نملو عليها من الخلعة لي تركبت فيها .....قعدت فوق السرير تحاول تتنفس بصعوبة.....مكانش متوقع أنو ينجح ويخليها تشوفو وتسمعو.....حس بنوع من الغرابة....دايما كان معاها يتفرج في سيناريو حياتها قدامو أما اليوم هو يتحاور معاها كأنو بشري عادي .....تجاهل هاذي الأفكار

".....واش نسبة أنك تتزوجي هاذ العام ....؟...."

.....طلعت رأسها فيه بإستغراب ....

"...واش قصدك ....اه...."

"....كيما سمعتيني، كاين إحتمال تتزوجي هاد العام ولالا ...."

"....لا مكانش ....ونظن مش راح يكون ....استهلكت الفرص لي عندي وضيعتهم ......"

".....كيما توقعتها ، رايحة تضيعي بهاد العقلية لي فيك ...مفهمتش كيفاه إنسان ذكي كيفي قرين لحجرة كيما نتيا ....."

"...علاه جيت وكيفاه قدرت تحكي معايا ، وعلاه تشبه للبشر ......"

"...جيت باش نعاونك تلقاي شريك حياتك ....جيت باش نزوجك ......"