"...كذب عليها باش متلصقش فيه ...كذب عليها باش ميعطيهاش امل وتحبس الذل لي راهي فيه ..."
زير على رقبتها أكثر وعينيه في عينيها ...تبسم بإستهزاء
"...منظنش انو الإغراء هو سلاحك الوحيد دايز...ولا نقولو حمراوية ....ولا دايزي .....نظن كاين نوع من الذكاء في حياتك اليومية ...ولو شوية.. ...زياد لدرك يعشق ويموت على تراب رجليها ....بكلمة منها راح يرجع ليها ، هي شافقة عليه مش اكثر .....شافقة على عينيه لي يرقو كل ما يشوفوها ....حاسة بتأنيب الضمير كل ما تشوفو وتتفكر كيفاه رخصتو أمها واليوم جات باش تطلب السماح ...لانو عريس اللقطة راهو يسنا فيها ...."
ولات تكحكح أكثر وعينيها رايحين يخرجو من بلايصهم ...تبسمت معاه...
"راح نشوفو شكون لي راح يتخلى وينسى اللول....اعتبرو رهان القرناء....لي يقدر يكمل حياتو ويتزوج لول ويلقا شريك حياتو ....راح يمد للثاني واش يحب......"
....بقا يشوف فيها وعينيه فيهم شك ، ميقدرش يدير فيها ثقة ....ماهيش ساهلة إطلاقاً...وقادر يعرف كمية الحيلة والخبث في عينيها ......معروفة عند الجن بالاغراء والسحر ....الأحمر مصدر قوتها وضحكة منها فتانة....تبسم بإستهزاء....لوكان تبع جيهان لوكان راهو مع هادي متزوج بيها.....التفكير برك مخليه راح يموت ....
"....رهان القرناء....."
كان صوتو لي نطقها وهو يشوف فيها بخبث واضح ...أكثر منها ....لانو اختصاصه....
....بعيدا عن السخافة تع الجنون ههه وهوسهم بالمشاكل ...عصافير الحب ....كانو مقابلين بعض ...واحد ما قادر يشوف في لوخر بعد اللقطة الاخيرة بيناتهم ....اعتذرتلو ...وهو قبل اعتذارها....على أنها غلطة ومش مقصودة وانو تعكلت ومحستش بروحها ....وجهها حمار ودقات قلبها فاضحينها....أما هو غير يشوف بعينيه ...واش راهو يدير معاها مش فاهم مش حاسس بالوقت خلاص .....
...في زوج جاهلين بالخطط لي راهي في الخفاء تتوجد ليهم ...يتحكمو في حياتهم....سواء من طرفها هي وقرينها هي ولا سواء من طرف قرينتو مع أنو معندهاش صلاحيات بزاف باش تقدر تتحكم في حياتو.....هو ما يعرفها و مبيناتهم حتى عقد ....
الغبية تاعنا هي لي مدايرة العقد عاطية القرين تاعها صلاحيات مكانتش لا لازم تمدهم ودارت ثقة في أخبث نوع من الجن لانو حرايقة بحد ذاته صنف في الخبث لي لازم يتقرا
"...زياد لازم نروح وسامحني مرة خلاف ....ونتمنى يكون بيناتنا صفحة بيضاء بعيدة على الماضي ...."
هزلها براسو وهي ناضت من لتما أما سؤالو خلاها جامدة متوقعتوش بتاتا
"...علاه متزوجتيش جيهان لدرك ....؟..."
....دورتلو رأسها بقلة حيلة وهدوء غريب عليها لانو قاعد يقيس في جرح حساس ...
"....مقدرتش نلقا زياد خلاف للأسف.....والنسخة الوحيدة ضاعت مني ...."
...بقا مبحلق فيها وساكت لدقيقه كاملة ...
"...النسخة الوحيدة طول عمرها كانت ليك أما عمرك قبلتي بيها....كنت تحوسي على حاجة خلاف .."
...تبسمتلو بحنان واضح وزيد صوتها حسسو بأنوثتها أكثر...
"....صح يا ريت تمسكت بيها وعمري خليتها ....لانو عمرني لقيت كيفها هههههه "
أنت تقرأ
من أجلها
Fantasy.....يقال عن القرين بأنه ذلك التجسيد الشيطاني لكياننا ...شرير ونرجسي ويمثل أعماق رغباتنا الشريرة ...هو اناني ويريد امتلاكك بشتى الطرق وبدون ملل .....ويريدك مؤنسا له في ظلمته و غياهب أفكاره....ماذا لو كان قرينك يريد مصلحتك وتوجهيك لطريق هو الأفضل لك...
