بقا يشوف فيها بعينيه ....حمحمت ومشات مخليتو من وراها كيما كل مرة. .اما هاد المرة هو لحقها ومشا بجانبها باش يوصلها وين قارات الطموبيل تاعها ، .....سكتو في زوج قلوبهم ومشاعرهم الوحيدة لي كانت تحكي ...هي كاتمة وهو أكثر....زواجو الوهمي و قرينها هوما لي واقفين بيناتهم وزيد معاهم عضو جديد في منظمة مكافحة زواج زياد وجيهان ....دايز ....قرينته ....
....وصلها لطموبيلتها بعد ما دا نمرو تاعها باش يبقاو على تواصل وأصدقاء ....الصداقة كانت الحل ليهم في زوج باش يحكو ....مكانش علاقة خلاف تقدر تربطهم.....هو فقد الأمل من زمن طويل وهي فقدتو في هاد المدة الصغيرة ....لي اكتشفت فيها مشاعر قديمة مخبية .....
...وصلت للدار ...جاتها ضيقة مش نورمال من الدخلة ...رجعت من جديد للحبس تاعها ...وسجانها الأبدي لي هو أمها.....
طلعت لبيتها تخمم في سلاف وراجلها وعشيقها .....كلشي تخربط عليها ...مقدرتش تأمن كيفاه سلاف تقدر تغلط وتخون راجلها...حطت رأسها على المخدة وراسها يطلع ويهبط ....كيفاه تتزوج واحد يحب بنت خالتها ....متقدرش تديرها ....تنهدت بعمق وشافت في تليفونها مترددة ترد على رسائل وائل لي بعتها .....
"...مبقاش عندك خيارات جيهان ، متقدريش تقعدي تجري ورا راجل متزوج ...."
...بعتتلو ميساج ترد عليه ، وحطت التليفون قدامها ، لازم تدير معاه موعد يحكيو وتقدر تفهم واش صاري مع سلاف ....غمضت عينيها ورقدت بلا ما تحس ....التعب رجع عليها بزايد ....حاسة روحها مغمومة والدار أكثر ....
....جا الصباح ، قاعدة قدام المراية تمشط في شعرها وتعدل في روحها بعد ما حكات مع وائل وعرضها باش يتغذاو مع بعض .....
"...في رأيك هاذ الشيء لي راني ندير فيه صحيح ..."
....بقا غير يشوف فيها ، مردش وهو مخه قاعد يخطط في جيهة خلاف.....
".....وين غايس...؟..."
....طلع عينيه فيها ونطق ...
"....احسن قرار رايحة ديريه ....في الاخير رايحة تتزوجي وتتهناي ...وتمنعي زواج بنت خالتك ..."
"...بصح منحبوش ...."
"...مش لازم تحبيه ..."
"..علاه منستاهلش نحب ونتحب..."
"....إذا كان الحب كيما حبك نتيا غير طيشيه ، فيه غير الذل ...."
خنزرت فيه و هزت ماكياج تدير فيه متجاهلتو ....
"...مهدرتيش على البوسة يا ستوتة....ضربتي السكيتة عليها ......عجبتك اه ...؟..."
كان صوتو الخبيث جاها ...بلعت ريقها مهبطة رأسها وساكتة ....
"...نسيت الحكاية هاذي هي برك ...نورمالمو نحاسبك على هذاك الجاست مع زياد ...مفهمتش كيفاه قدرت تديرها ..."
...تبسم باستهزاء وهو يسكاني فيه من تحت لفوق ...
"...ممم صح .....امنتك نتي الراجل شعرة و وتاكليه وتقوليلي كيفاه قدرت ندير هكداك ناناناا ....على الأقل استعرفي وقولي صحيت ....على الأقل مخليتكش محرومة من حبيب القلب ....."
أنت تقرأ
من أجلها
Fantasy.....يقال عن القرين بأنه ذلك التجسيد الشيطاني لكياننا ...شرير ونرجسي ويمثل أعماق رغباتنا الشريرة ...هو اناني ويريد امتلاكك بشتى الطرق وبدون ملل .....ويريدك مؤنسا له في ظلمته و غياهب أفكاره....ماذا لو كان قرينك يريد مصلحتك وتوجهيك لطريق هو الأفضل لك...
