قفل القاراج بكري وروح للدار....فتح الباب لقا أمه وباباه يتفرجو في الاخبار ...دخل بلا سلام دوش وغسل روحو حتى سمع صوت باباه يعيط ...مسح وجهه ودخل عندهم طالق روحو فوق الكانابي هذاك ...
"...سلم تحي قول حاجة ...داخل كي السراق غير الخير أ زياد...."
"....بابا مكاين والو غلبان برك ..."
"...درك نسخنك كشما تاكل...."
"...يما اقعدي شبعان والله .....تعبت شوية في الخدمة عليها روحت بكري ...."
شاف باباه في التلفزيون بشوية ونصف عين عليه ...
"....باينة تقعد هامل برا ...لا دار لا مرأة لا ولاد ...حياتك فارغة ....عليها راك ضايع هكذا ...."
".....اك تشوف أ سعيد عييت معاه يتزوج نخطبلو والو والله مسامع بواحد. ....يدير غير لي في راسو ...."
"...نشاله راهو في بالي كي نلقى كاش وحدة نقولك ..."
"...تحكي صح ولا تتمسخر كي عوايدك .."
طلع راسو فيها وهزلها براسو هيه ، تبمست أمه من الفرحة ...
"...هيا مبروك علينا ،حمد لله كي رجع عقلك وحبيت تتزوج ....ازرب القا العروسة كاينين بزاف بنات فاميليا حابين يتسترو ..."
"....نشاله اني رايح نرقد تعبان شوية تصبحو بخير ..."
"...مزال الحال ، مزال حتا متعشيناش ..."
"...يما مانيش جيعان بصحتكم...."
...خرج بلا ما يسمع كمالة الكلام، دخل لبيته قافل من وراه وراسو يزدح ....مدام مد هدرة يعني لازم يتزوج والكذبة ترجع حقيقة ، اصلا ضيع بزاف وقت لي قدو دارو لولاد وهو مزال قاعد هكذا ....دور على جنبه مغمض عينيه وتجي صورتها نهار الطموبيل ، ونهار باستو، في هذيك الدقيقة قلبه شعرة حبس ....لدرك مش فاهم علاه دارت هكذاك، عينيها يحكيو حكاية أما هدرتها تقول العكس ...شاف مع انعكاس المراية لي قدامو ساهي غافل وجاهل للنار لي شاعلة في قرينته من الجيهة الأخرى من المراية ....
....دخان احمر خارج من كل بلاصة في المكان، وهي شعرها طلع في السماء من الغضب لي حكمها ، يعني مزال كاين احتمال يرجعو مع بعض ...مزال كاين احتمال ...هاذ الشيء ماكلها من الداخل ....هي اصلا متحبش جيهان من وقت رفضت قرينها حقدت عليها ودرك ولات قصة خلاف خصوصا مع تدخل حرايقة للعالم تع البشر ....ماهيش فاهمة كيفاه قدر يملك قوة ممنوعة كيما هاذيك.....هي متقدرش تكون جريئة كيما هو ...هي عارفة القوانين واذا عرفو الملوك رايحين يقتلوها لا محالة أما في نفس الوقت قاعدة تحاول تخرب هاذ الحكاية بأي طريقة ...اتحاد جيهان وزياد معناه اتحادها هي وحرايقة بسيف وهي تموت و لا هاذ الشيء...
نفخت دخان خفيف من فمها وراسها يخمم في حاجة تخلي زياد يبدل رايو او يبعد على جيهان، من كلام حرايقة بانتلها بنو معندوش نية باش يجمعهم ، وواضح من عينيه عندو حاجة أخرى في باله ، خلي تشوف واش راح يكون غدوة ، وإذا لقات الحالة خطيرة تحاول تتدخل ودير كاش حاجة ....مع أنه عارفة القرين ميقدر يدير والو غير الوسواس .....
عدا هذاك اليوم وليلته معاه بهدوء ...كل واحد في عالم مختلف على الآخر كي هي كي هو ...هي تقبلت وجود وائل في حياتها وحاولت تتأقلم معاه ...حرايقة تاني قاعد يدز فيها باش تتطور علاقتهم وفرحان انو قريب يصرا لي في بالو و يتحرر منها كيما قالو جاريري ....كلشي كيما راهو مخططلو ....راح يكتسب القوة لي حابها في عالم الجن ...
...مسحت وجهها بالمنشفة هاذيك وعينيها حومر واضح بنها كانت تبكي ....محبش يظهر قدامها قعد في بلاصتو في داره و يشيش ودخان أسود قاعد يخرج ...غمض عينيه يستمتع بهذاك اللحن اللي قاعد يجي من المغنية الجنية لي قدامه ...
....صوت بكاها قلقو حل عينيه وشاف فيها باشمئزاز كبير ...الضعف هذا لي فيها راح يخليه يخرج من عقله كاش نهار ....لوكان جا برك يقدر يكون في مكانها هو حوايج بزاف رايحة تتبدل ...
أنت تقرأ
من أجلها
Fantasy.....يقال عن القرين بأنه ذلك التجسيد الشيطاني لكياننا ...شرير ونرجسي ويمثل أعماق رغباتنا الشريرة ...هو اناني ويريد امتلاكك بشتى الطرق وبدون ملل .....ويريدك مؤنسا له في ظلمته و غياهب أفكاره....ماذا لو كان قرينك يريد مصلحتك وتوجهيك لطريق هو الأفضل لك...
