ناض من البلاصة لي كان راقد فيها ، وحل خزانتها يشوف ، مش عارف واش يلبسو النساء .....الجنيات عندهم لباسهم مش ساتر ويكون شفاف بألوان مغرية ....أما النساء بانتلو عندهم ذوق خاص .....وزيد راحيين لبار باش يعجب هذاك الراجل .....
...قشها ممل بزاف ....ألوان داكنة بين الأسود والبني ، مكانش ألوان مليحة .....
بقا يحوس حتى لقا فستان خريفي أسود في آخر الخزانة باينة متلبسوش خلاص ومدورش بيه إطلاقا ....هزو وزرب نحا قشها بلا ما يشوف في جسمها مش حاب يبان منحرف ويستغل الفرص ....سيرتو مع قرينتو الأمر مقرف بالنسبة ليه ...
....لبس الفستان هذاك بطلوع الروح ...كان مزير عليها ومفتوح شوية ....أما طويل بزاف .....تقول راهبة ...جاب مقص لقاه وقص نص الفستان ...هههه خلاه نص ميترا يبانو رجليها الطوال البويض .....لبس طالون تاعها أحمر تع عراس براق شوية .....
...طلق شعرها لي كان متموج شوية. ....وجهها خلاه هكداك لانو ميعرفش في حكايات الماكياج ...وهي بعد مش كي البنات معندها والو ...
تبسم على إنجازو الغريب...ونطق بين شواربو ....
"...ليوم ندوخهم كامل هههه قصدي تدوخهم كامل ، عشت الدور هذا بزيادة ...يا ربي تقعد رجولتي المتبقية ومطيرش....إنا رايح نولي أنثى و جيهان مولاتش.......اوف"
.....لبس فيستا جين لقاها عندها وخرج بلا ساك هاز تليفونها برك ......
....كانت الساعة تسعة تع ليل....طل شوية لقاهم كامل طلعو لبيوتهم أما صوت البيبي مازال كاين ترقد فيه سلاف ....
....هبط بزربة وخلا الباب محلول باش واحد ما يفيق كي يدخل من جديد ....
طلع راسو ركب الطموبيل تاعها أما تفكر انو ميعرفش يسوق وزيد لوكان يرجعها راح تفسد كلشي ....هبط يحوس على حاجة حتى لقا طاكسي.....وصلو وين البار بعد ......
والطبع الهدرة فيها فيها والغزل لي سمعو من عندو وهو يحس بالقيا .....
.....دخل بشوية لعالم جديد وغريب عليه وعليها، عارفها خاطيها هاد الشيء وعمرها تجرأت تفوت الثمنية برا وين تخرج تسهر ....
....بقا باهت ومصدوم ، شراب ....كل أنواع الموبقات ...الحس والغناء و الناس يتشاطحو ، عارف لوكان يركز راح يلقا صحابو قصدي ضحايا الحيل تاعو الجنون مقصرين في كاش تولات هنايا ولا يشطحو في كاش شوكة وممكن متجسدين بكاش عبد .....
....دور عينيه يحوس على المقصود ....وعينيه يسكانيو في لي يقدر يكون المقدر تاعها في حالة فشل صاحب الانستا .....
دور عينيه بشوية لقا راجل كيما شافو في التصويرة ...حاول يمشي بشوية و بين شواربو يقوي في روحو حتى نطق إسمها وهو يضحك حاب يعرف ردة فعلها .....يا ربي تسامحو.....
"...جيهان ..."
شهقت بالصوت وهي دايخة تشوف وين راهي ، توسعو عينيها ....وعيطت بالصوت من الخلعة
"....وين راااااااااني يا ريييييي......"
أنت تقرأ
من أجلها
Fantasy.....يقال عن القرين بأنه ذلك التجسيد الشيطاني لكياننا ...شرير ونرجسي ويمثل أعماق رغباتنا الشريرة ...هو اناني ويريد امتلاكك بشتى الطرق وبدون ملل .....ويريدك مؤنسا له في ظلمته و غياهب أفكاره....ماذا لو كان قرينك يريد مصلحتك وتوجهيك لطريق هو الأفضل لك...
