...عقلو قاعد يقولو ارجع ، مش وقتها ومش وقت مراهقتك المتأخرة درك .....وقلبو يقول احبس راهي حب حياتك يا زياد ....حب حياتك الحقيقي.......عقلو يقول وينها كرامتك يا زياد ...وينها .....مش هي لي رفضتك ....مش عطاتك جوابها قداش من مرة....مزلت حاب ذل روحك أكثر معاها...وهي الشوفة متكملهاش فيك .....فيق لروحك ...فيق هادا الشيطان لي راه يلعب انت خلاص نسيتها ومبقيتش تحبها ، فاتو عوام ....هي نساتك وانت نسيتها ......
....قلبو كان ليه شوارو ....وشوارو كانو رجليه لي خلاوه يقرب عندها منين الطموبيل تاعها .....بانتلو الروضة تاعها مفشوشة شوية وهي قاعدة تشوف فيه بحزن وغضب ...حمحم بصوتو ...وهي دورت وجهها ليه ، وتلاقاو عينيها وعينيه ....العسل مع البحر ....هو حاسس بروحو مش يتنفس.....متبدلتش ...
.....قلبو حس بيه مزير عليه وملهوف عليها ، أما وجهه ما بين ولا ردة فعل....عينيه يحاولو يلمحو تفاصيلها لي تغيرو عليه بزاف .....أما الجوهر هو هو .....تنهد بخفة ....وحاول يخرج صوتو طبيعي ....
"...سلام جيهان ...."
هي غاست فيه للحظات ومن بعد شغل فاقت....حشمت منو وشافت فيه بتوتر ....
"...اسمحلي بصح شكون انت ....؟..."
بلع الضيق لي فيه وهزلها راسو بهدوء مجاوبها ....
"...زياد لي قرأ معاك عام الباك ....."
بدما تجاهل أحداث بزاف وفكرها غير بنسختو تع الباك ...لانو هو بعد مش حاب يرجع ذكريات مش مليحة معاها وخصوصا كي تلاقاو بعد عوام .....مكانش عارف بنو اللقطة الوحيدة لي كانت ليها معاه هذاك العام برك ...ولي ندمت عليها بزاف ....
بلعت ريقها وشافت فيه مبتسمة بخفة
"...ا زياد واش راك...تبدلت بزاف ههه معرفتكش...."
تجاهل الرسمية لي في هدرتها ونطق
"....واش حوال والديك...عمي موسى ومرتو معليهمش ."
".....حمدلله، بابا توفى هاذي خمس سنين وماما راهي معايا عايشة حمدلله....." كمش ملامحو وبان الحزن في وجهو ...،باباها كان غالي عليه بزاف ...
"...ريي يرحمو ويغفر له....والله مكان علابالي مسمعتش .."
....طلعت عينيها فيه وتبسمت برقة بانتلو عجيبة .....مع حمرة حشمة في وجهها ، مزالت كيما عرفها المراهقة الخوافة والحشامة
".....ونتيا واش حوالك.....هادي عوام....."
حاول يلمح اي خاتم أما ملقاش في يدها.....مداير في بالو مستحيل متكونش مرتبطة ....نسا روحو هو اصلا ...
"هههه رانا عايشين ههه العمر يعدي وحنا معاه ....أنت تزوجت...؟...."
عضت شاربها بقوة مفهمتش منين جاتها الزعامة الزايدة .....علاه سقساتو هاد السؤال بالذات ....
"...هيه تزوجت وعندي طفلة ...."
حب يخبط روحو على الإجابة هادي ، تسمعو مو تتبرأ منو ....ههههههه
"...اه كلشي مبروك ، كاش نهار عرفني على المدام وبنتك .."
"...نشاله ...نعاونك في حاجة جيهان ...."
إسمها من فمو عندو نغمة مميزة وجذابة ....تجاهلت هاد الشيء وهزتلو برأسها لالا ....
"...متقلقش روحك اي نورمال ، تقدر توصلني للدار ...."
أنت تقرأ
من أجلها
Fantasy.....يقال عن القرين بأنه ذلك التجسيد الشيطاني لكياننا ...شرير ونرجسي ويمثل أعماق رغباتنا الشريرة ...هو اناني ويريد امتلاكك بشتى الطرق وبدون ملل .....ويريدك مؤنسا له في ظلمته و غياهب أفكاره....ماذا لو كان قرينك يريد مصلحتك وتوجهيك لطريق هو الأفضل لك...
