.....محس غير بالباب تفتح بلا احم بلا دستور ....دخلت أمها هازة في يديها الماء و دواء.....
'"جيهان ارواحي اشربي هاد الدواء ....."
....دور وجهو يطلع فيها من لفوق لتحت ....أمها جليلة وشكون ميعرفهاش ...عارف كل تفصيلة تخصها وتخص علاقتها مع جيهان .....حتى مشاعر جيهان في كل موقف معاها يعرفو ....واذا سقسيتوه ممكن أكثر حاجة تآذي جيهان هي أمها ....وأكبر سبة علاه هي وحيدة بزاف بلا ما تجرب حتى علاقة هي أمها النرجسية ......حس بحرقة داخلو ....قلب جيهان لداخل يتعصر ....يعني هذا هو الألم لي راهي تعيش فيه .....بعني الجرح لي كل ما تشوف أمها مزال يكبر في قلبها ......
غمض عينيه بشوية ....يحاول يتنفس .....
"....جيهان راني نحكي معاك ارواحي هنا ، بخصوص دراهمك تع الشهرية لي فاتت مديهملي ناوية نبدل جوايج في الدار ونتا وخري حكاية الطموبيل لمرة خلاف مش مزروبة ....."
"....جابلي ربي دراهمي مش دراهمك هادو ..."
....جسمها رجف وخلعة حاكمتو مع أنو مش عارف علاه ، روحو هي لي متحكمة أما جسم جيهان هو لي راه يدير حركات لا ارادية معتادة ...
"....واش قلتي مسمعتش ....."
هز عينيه فيها وحاسس بالنار داخلو ، يكرهها هاد البنادمة لوحد الدرجة واحد ما يتوقعها ، يكرهها وعمرو حملها ، كان يتمنى يخليها في يوم من الايام تندم وتتربى ، وهاد النهار جا ....راح يشربها من نفس الكأس لي شربتو لبنتها ....
....عض على لسانو يحاول يبين ردة فعل عادية وطبيعية
".....قتلك مسحقتهم الدراهم هاد الفترة ، تقدري تأجلي حوايجك لمرة خلاف ....."
...جليلة طلعت حاجبها بإستغراب، هاد الهدرة عمرها سمعتها من بنتها ، لي دايما هيه خارجة من فمها ، قربت ليها وعينيه مركزين في عينيها
"....جيهان، تباني ماكيش مليحة خلاص ، روحي رتحي و غدوة نهدرو نشاله ...."
....مسح على شاربو بشوية وشاف فيها
"...نو راني مليحة ، شبيكي محسستني اني مهبولة ...."
...عيطت عليه بأعلى صوتها ......هبط عينيه ليديها لقاهم يرجفو وحس بحاجة مزيرة عليه ....
"..نسيتي روحك ولا وشنو ، قوليييي واش صرالك .....تعاودي تحكي معايا هكذا نفهمك ....فمهتيي ..."
كانت حاكمتها من كتفها مزيرة عليه ....هو كي حس الجسد تاعها مش مطاوعو ....هزلها براسو هيه وهي خرجت خابطة الباب من وراها مخليتو متبع خيالها من وراها
....هز يديه لعينيه لقا فيهم دموع ....هو عارف أنو راهي ضعيفة وجبانة شوية...أما الحالة لي راهي فيها بسبة عيطت وتوبيخ من أمها جليلة خلاتو يعاود حسابتو معاها...
مهمة تغييرها ماهيش ساهلة .....مش ساهلة بتاتا
أنت تقرأ
من أجلها
Fantasy.....يقال عن القرين بأنه ذلك التجسيد الشيطاني لكياننا ...شرير ونرجسي ويمثل أعماق رغباتنا الشريرة ...هو اناني ويريد امتلاكك بشتى الطرق وبدون ملل .....ويريدك مؤنسا له في ظلمته و غياهب أفكاره....ماذا لو كان قرينك يريد مصلحتك وتوجهيك لطريق هو الأفضل لك...
