"....حرايقة ؟؟؟؟أنت حرايقة ....أنت هو قرين جيهان ..."
....عينيها كانو يبينو صدمتها ...أما محبتش تبينلو هاذ الشيء ...بقات تشوف فيه وهو يسكاني فيها من لفوق لتحت ....
"...واش جاب السي حرايقة هنايا ...كيفاه قدرت تجي عندي وتنتقل من قرينتك لهنايا....؟؟...."
...جبد روحو عليها وعينيه يتفحصو في الجو تاعها يحاول يفهم العقلية تاعها كيفاه ...وكيفاه تخمم ....
"...علاه كنتي مخبية روحك عليا.....؟.."
....قربت منو أكثر وعينيها في عينيه ...
"...شكون قالك كنت مخبية عليك ...مداير شان لروحك بزاف وانت مجرد قرين انسية غبية....وعايش بالفتن وألعاب الجنيات ....."
"....في بالك الجنون كامل كيما الحرس تاعك من المخنثين ....الطبقة السفلى .....أنا شايف الخوف والرجفة في عينيك ....عندك الحق تخافي لانو مانيش كيما الآخرين انا حرايقة ....نتي مجرد تحلية ليا ....لانو انا بعيد عليك بزاف ....دايز .....ولا نقولو ...حمراوية ......."
"..أنت وين عارف لقبي ...؟؟؟..وكيفاه قدرت تخترق الحاجز بين البشر والجن ....."
"....علاه تكرهي جيهان....؟...واش كنتي ناوية ديريه مع الجنية العاشقة لي جبيتها لقرينك .....؟..."
بلعت ريقها بهدوء، تحاول تبينلو الصدق في كلامها....عمرها توقعت شخص كيما جيهان حرايقة الخبيث يكون قرينو .....قدر يعرف حوايج بزاف عليها ...ملقات متقول ....عينيه لي بدا لونهم يغماق خبرتها بزاف حوايج .....
"....جيهان مش مناسبة لزياد ...عليها حبيت نبعدو عليها باش ينساها ...."
....جبدها من رقبتها وخبطها مع الحيط الكبير هذاك ...الحراس مقدروش يتحركو لانو كانو جامدين ...كأنهم تشلو ....هيئتو المخيفة ظهرت قدامها وهي نحات الثوب البشري ورجعت لحقيقتها الجنية ...
خانقها ومزير عليها أكثر....حاب يقطع عليها أي متنفس ...أما عيونها تبدل لونهم الأحمر....محبتش تبينلو خوفها.....شافت فيه وتبسمت
"....أنت جاي ذليل هنايا باش تحاول تلقا حل مع الذل تع قرينتك لي تجري من ورا قريني في كل فرصة تجيها ...لي حابة ترجع الايام لي كان يحبها فيهم ...حابة تعيش مراهقتها المتأخرة...الشايبة ....ههههههه...أنت حاصل مع وحدة كيفها ....مش قادر تتقبل هاذ الشيء حرايقة مش هكذا ...مش قادر تتقبل ...انك ضعيف لانو جيهان مرتبطة بيك في كل دقيقة تعيشها ......حتى انك خرقت العهود تع الجن والقرناء ودخلت للمنطقة المحرمة باش تعاونها تعيش ......ههههه البؤس داك لبلاصة بعيدة ....يا ناهيج ....."
"....زياد ميستاهلهاش .....هي رايحة تتزوج بواحد احسن من جبان كيما زياد .....وراح تشوفي انتحار قرينك ههههه والسبب راح يكون الحب ....الحب لي عمرو ما حب يعتقو هذا عمر ...والدليل زواجو لي مكانش وكذب عليها فيه ههههه"
أنت تقرأ
من أجلها
Fantasy.....يقال عن القرين بأنه ذلك التجسيد الشيطاني لكياننا ...شرير ونرجسي ويمثل أعماق رغباتنا الشريرة ...هو اناني ويريد امتلاكك بشتى الطرق وبدون ملل .....ويريدك مؤنسا له في ظلمته و غياهب أفكاره....ماذا لو كان قرينك يريد مصلحتك وتوجهيك لطريق هو الأفضل لك...
