سلاموو على الجميع ، اعتذر مررررره على القطعة اللي صار لها حوالي اسبوع لكن والله ظروفي ما تسمح ومرضت وتراكم الشغل علي ، لكن جيتكم ببارت طويل وعريض يعوضكم عن الأيام اللي ما نزلت فيها
لا تنسوا تتفاعلو أو ترا بقطع لأن بمجرد انه أكتب رواية وما أجد تفاعل هذا يحطمني ويخليني أوقف لكن والله بمجرد اني أشوف تعليق واحد من متابع أو متابعة حلوه ينفتح قلبي وأحس بشعور جميل يخليني أندفع للكتابة وحماسي يزيد
عشان كذا تفاعلوا لأني محتاجة الدعم منكم وما توفيقي إلا بالله ومن ثم دعمكم لي ♥️♥️
ولا تنسون تعلقون بين الفقرات لأن هذا مررره يشجعني
والحين استمتعوا ⭐️!!
-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_
الممرضة: عندك بس ٥ دقايق وبعدها تطلع حفاظًا على سلامة أبوك
حميد: مشكورة أختي ما قصرتي
بعدها دخل حميد لغرفة العناية المركزة اللي فيها أبوه ...
صار كل هذا وأسيل نايمه وما عندها خبر من كثر التعب ...
حميد وهو يتقدم من أبوه ببطء وعيونه تهمل دموع الندم ...
حميد: يبه ؟!
تقدم وجلس بالكرسي بجانب أبوه ونزَّل راسه وظل يبكي على السرير اللي فيه أبوه...
حميد: يبه ؟! يبه رد علي تكفى ... يبه والله أنا آسف ما قصدي أرفع صوتي عليك
إلَّا يبدأ بكاء حميد يزيد أكثر وأكثر وواضح عليه ندمان حيل ...
حميد: والله آسف والله ... انت بس ارجع لنا بخير وما راح يصير إلَّا اللي يطيب خاطرك ... ونوال ... بالطقاق عليها ووالله لاهي ولا غيرها تقدر تتحكم فيني .... والله يبه ما قصدي أنا آسف ... تكفى انت ما ودك تشوف عيالي ؟! ما ودك تشوف نسخة صغيرة منك ؟! أَجَل يالله صحصح وارجع لنا سالم غانم وانا افدى عينك ... يبه ؟! انت تسمعني ؟؟ ...... والله يا ريت تسمعني الحين لأني ندمااااان بالقوة وصدقني ما راح أسامح نفسي إذا صار فيك شيء لا سمح الله .. يا رب يا رب أنت أعلم مافي قلبي الحين يارب طبطب علي وان شاء الله أبوي يسمعني الحين ان شاء الله ...
حس حميد براحة يد على راسه إلا يقوم بصدمة وشاف أبوه وهو يحاول يفتح عيونه ويحرك شفايفه لحتى يتكلم ...
حرفيًا حميد طار من الوناسة وكأن ربه استجاب لدعائه في لحظة إلَّا يمسك بيد أبوه وصار يبوس فيها وهو يبكي ويردد ...
حميد: آسف يبه والله آسف ... تكفى خلك معي لا تروح
كان محسن بالحيل وبالقوة يفتح عيونه بس ما قدر إلَّا يحاول يتكلم ...
محسن: حـ....حـ...ـمـيـ...ـد
حميد: ايوه ايوه يبه أنا حميد أنا ولدك ما غيره
محسن: ( ودمعه تنزل من عينه ) سا...سامـ...ـحتك
أنت تقرأ
حَـبِّـيِِت بِـنْــتُ الثَّـانَوِيَّـة 🖤!!
Ficción Generalروايتنا السعودية هذه راح تنناول فيها ... مشاعر سعودية 🇸🇦✨ هل من الممكن أن صفعات الزمن والأعداء من حولنا !! أن يكونوا سببًا في نشوء علاقة حب ؟!!! - آسيا / عايض هل الخيانه المشاعرية من قبل شخص أحببته من أعماق قلبك يمكن أن تولد حقدًا باتجاه الشخص ا...
