حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 22 -

.....................

آســـيــا /

دخلت الحمام وتروشت وطلعت بعدها وأنا ألبس ملابس المدرسة لحتى أداوم على الرغم من عندي واجبات كثير لكن ما حليتهم .. عادي بتعذر بمرض أو شيء من هذا القبيل .. وقفت أمام المراية وريتني ما وقفت .. عيوني منتفخة ووجهي وارم وطبعات أصابع على وجهيي انصدمت من منظري .. دموع لا ارادية نزلت على خدي وأنا أشوف وجهي اللي دايم يمدحون الناس بياضه ونظارته صار لونه بنفسجي من الضرب .. استحيييت أروح المدرسة وأنا وجهي كذا وبينما أنا أناظر لخيبة وجهي عالمراية دخل اللي كنت خايفة أواجهه هذا مساعد وعلامات وجهه ما تطمن ولا تبشر بالخير...

نفس المرة الماضية دخل علي بقوة والباب ضرب على الجدار للمرة الثانية ..

مساعد : زواجك الليلة اجهزي رجلك شوي ويجي !!!!

وكأن في أحد عطاني كف طيرلي عقلي .. ما قدرت استوعب اللي سمعته .. ركعت على ركبي وبكييييت .. صرختتت صرخة كبيرة وهو قدامي بلا علم ولا خبر .. معقوله بيزوجني ؟! أناااا مظلومة يا ناااس يا عالم أنا مظلومه .. طالعت فيه .. تقدمت إلى رجله وأنا أحبي على الأرض كأني طفل !! ... ترجيته بأنين
" تكفى مسااعد تكفى لاااا .. لااا مساعد ترجيتك لاا " مسكت يدينه بستهم مليون مره وهو مافي احساس ولا مشاعر .. جامد ولمساتي له ما تهزه ؟!! .. صرخت وشاهقت وبكيت واغتصيت وهو واقف يطالع فيني ببرود ..

رمى كلماته الصادمة بالنسبة لي .. تحطمت وكأني كنت جبل و زلزال اجتاحني وتهدمت .. وكأني كنت عماره وانهدت ..

مساعد : الحين ما تبينه بعد ما لعب عليك ؟! وأنا أقول ليه كنتي أربعة وعشرين ساعة في بيت صديقتك وتطلبيني أوصلك .. الظاهر كنتي تكلمين أخوها من ورانا ولاا مرسلتله صورك بعد

انا علامات استغراب في مخي أحاول أربط الأحداث والكلمات اللي قالها .. عقلي مشوش مو متقبل صدمة ثانية .. لحظة .. هو قال صديقتي قصده ريماس.. يعني أخوها .. يقصد عااايض !!!!!!!!!

آسيا : ( بشهاق ) وش ... وششش ... اهه ...وش تقصد؟!

مساعد: وش أقصد هااه ؟!!!! وانتي مرسله له صورك وانتي مفسخة أستغفر الله وتتبسمين له وتطلعين معه وتراسلينه وكل هذا من ورانا يا آسيا ؟!!!

آسيا : ( وهي تمسك يده وتسحبه لعندها وهي تشاهق ) متى ؟!!! والله يا مساعد مهيب أناا افهمني موو أنا

وخر مساعد يد آسيا وصفعها كف قوي خلاها تسكت بعدها انحنى لمستواها وطالع في وجهها وهو يقول بصرامه ..

مساعد: أجل من ؟! الجني مثلًا ؟!

مساعد : طول عمري وريتكم وجهي الطيب هذاك .. بس للأسف ما نفعكم .. اخخس عليك وعلى فضيحتك يالحيوانه .. أنا شقصرت فيه معك لحتى تجازيني بسواد تسود الوجه مثل هذي ؟! .. ولو دروا الناس عنك وعن العايب اللي تكلمينه وش بيقولون عننا هااه ؟! .. زوجتك منه بدل لا تكلمينه بالحرام كلميه بالحلال احسن لك وله .. واسمعي يا آسيا الليلة تروحين بيت زوجك المخيس ذا وبدون كلمه وعلى فكرة مدرسة بعد اليوم ما في إلا إذا سمحلك اللي يتسمى زوجك ..