حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 29 -

عند عايض/

وصلت للمستشفى اللي كان بعييييد مرره وأنا قلبي ناغزني ، كل اللي سمعته على الجوال هو انه اخوي بالمستشفى ولا شي غيره .. خايف !! .. ايه .. خايف أخسره بعد هو .. أخوي لحمي ودمي .. قدوتي بعد أبوي الله يرحمه .. خفت أخسره ويتركني مع اخواني الصغيرين بروحنا .. خفت الله لا قال يموت وتصير المسؤولية الكاملة على راسي ..

توجهت لركن الاستقبال وسألت عن رقم غرفة حميد .. انصقعت لما قالت لي السستر ان المريض بعذا الاسم الحين طالع من غرفة العناية .. سريع سريع ركضت لغرفة حميد وقبل ما ادخل استوقفني الدكتور وهي يبيني في كلمة راس ..

سرت وراه وأنا أسأله عن حالة حميد وكيف صار الحين لكن اللي سمعته بعدها غير نظرتي لحميد ١٨٠ درجة !! ..

الدكتور: ( وهو يطالع لمستندات بيده ) حميد بخير لا تحاتي .. انت أخوه مثل ما واضح عندي بالأوراق .. حالته الصحية الحين مستقره لكن كسور كثيرة متفرقه في جسمه وعنده بعد كسر بالرقبة .. اسمع أخوي عايض .. انت عارف ان اللي سواه أخوك يدخله السجن ؟!

عايض: ( وهو مصدوم وولا فاهم ولا أي حاجة ) نعم ؟!

الدكتور : أولًا أخوك يشرب والعياذ بالله ( عايض انهار داخليًا .. مصدوم .. خاب أمله .. بردت مشاعره .. تصلبت شرايينه ) ثانيًا هو ساق سيارته وهو سكران !! وأثَّر على حواليه وعرضهم للخطر .. وطبعًا هذا الشيء غير قانوني وانت ادرى مني بذلك يا أستاذ عايض فمثل ما واضح عندي بالأوراق للوصي على حميد انك ضابط بالمركز وانت ادرى مني مثل ما قلت .. هااه أستاذ ..

عايض: ( وهو يحاول يلملم شتات عقله ) ان شاء الله ما يصير إلا كل خير .. الحين أقدر أشوفه ؟!

الدكتور : للأسف الحين البنج ما زال مأثر عليه ومخدره .. تقدر تتوكل وترجع لبيتك وتعال بكرة الصباح لحتى تطمن عليه ..

غادر الدكتور وهو يخلي عايض متصنم في مكانه .. صدمته لما عرف بموضوع شرب أخوه للمسكرات عافانا الله ما قدر يستوعب الموضوع .. ليش أخوه تطرق لهذا الطريق الصعب تركه ؟! ..

مرت الأيام على حميد وهو ما زال في المستشفى ما تلقى أي نزاعات مع عايض الإثنين كانوا ساكتين طوال الثلاثة أيام اللي مرت .. واثنينهم في المستشفى على غير عايض اللي في كل صباح يتوجه فيها إلى مكتبه في مركز الشرطة .. حالة حميد ما تسمح لأي ضغط من الضغوطات .. وغير ان اللي سواه حميد لا يغتفر فأنه ما زال أخوه وواجب عليه ينصحه ويرشده لطريق الهداية ..

طوال الثلاث أيام وآسيا ما شافت فيها عايض .. فقط كل اللي قالها اياه وهو جاي ياخذ بدلته ..

عايض : أخوي سوى حادث وأنا بجلس عنده بالمستشفى رح أغيب كم يوم ..

.........

آسيا /

استغربت من زوجة أخو عايض .. ليه جالسة في البيت وزوجها حالته حالة بالمستشفى .. ثلاثة أيام وأنا بغرفة عايض ما طلعت منها أبد ما ودي أقابل أهله أو أشوف ريماس .. خصوصًا بعد آخر مشادة كلامية بيننا أدت فيني بروحتي للمستشفى .. كانت الخدامة تجيب أكلي لعند الغرفة .. أعتبر نفسي غريبة بين هذي الجدران .. منبوذة بينهم على الرغم من اني الضحية في السالفة اللي صارت .. هل أصدق عايض وأوافق على كلامه ؟!