حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 17 -

صوت انكسار كوب جا من خلف الباب واللي طلعت من وراه هذي اسيا ودموعها أربع أربع ..

ركضت لغرفتها بأقصى سرعتها وهي مو شايفة قدامها أي شي ، ووراها تركض أمها وبعد خلفهم مساعد ..

دخلت لغرفتها وقفلت الباب على نفسها ، وجلست على الباب تنحب في بكاءها وهي مصدومة وعبالها اخوها بيزوجها وهي بهالعمر !!

وصل كل من مساعد وفاتن لباب غرفتها ..

فاتن : ( بقلق ) يمه آسيا افتحي الباب

مساعد: ( وهو يتدخل ويدق الباب بقوة ) آسيا افتحي الباب انتي فهمتي غلط

آسيا : ( بصراخ ) وش اللي غلط ما غلط وانا سامعتكم باذني هذول انكم بتزوجوني

مساعد : ورب البيت مو كذا !! افتحي الباب آسيا ما بعيد كلمتي

آسيا : وش بتسوي بتزوجني هااه ؟!

مساعد: ( بنبرة محتدة شوي ) آسيا افتحي الباب قلت لك

فاتن : وخر مساعد شوي ،، آسيا يمه افتحي الباب مافي زواج او غيره من هالأشياء ورب البيت مافي بس هو تقدم طالب يدك والقرار بين يدينك بالأخير حنا مو غاصبينك

آسيا : وأنا ما ابي اتزوج

فاتن ؛ طيب خلاص اللي تبينه رح يصير بس اهجدي واهدي يا بنت

آسيا: اكيد اللي ابيه رح يصير وزواج ماني متزوجة وقول يا مساعد لخويك هذا اني ما بيه ولا اتشرف بعد

مساعد : الله يهديك دايمًا متهورة

راح عنها مساعد وفاتن بقت تدق الباب دق عليها بس آسيا معصبة وتبكي وما فتحت لها الباب وبقت على سريرها تبكي إلى أن نامت على الرغم من إن مساعد وأمها طمنوها وأن مافي شي رح يصير من اللي تخيلته هي بس الرعشة اللي جاتها وقت سمعت واحد متقدم لها مو قادرة تروح من جسدها..

وأصلًا هي ما تدري من اللي خطبها !! .........

..................

( في بيت آسيا )

صباح اليوم الثاني على طاولة الطعام الكل جاعد ياكل فطوره إلَّا آسيا للحين ما نزلت من غرفتها والكل محد شافها من لمن قفلت على نفسها ..

مساعد: يمه وين بنتك ؟!

فاتن : والله مدري عنها من أمس وهي بدارها ما طلعت

مساعد: ( بعصبية ) وشو من أمس وش الحساسية والدراما ذي

فاتن : والله ما تلومها أحد قال لها في واحد متقدملك وهي بهالعمر طبيعي بتسوي الحركات ذي

مساعد: والله حركات بنتك هذي ماني متطمن لها

قطعهم صوتها وهي تنزل من على الدرج وعيونها منفخين وأنفها أحمر والظاهر انها مرضت من البكاء اللي أمس طوال الليل..