حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 44 -

بسم الله .. قبل كل شيء سموا بالله وصلوا على النبي- عليه الصلاة والسلام- واذكروا الله .. ثم اضغط النجمة يا حلو !! ..

وليه ما تابعتوني على الانستا ؟! وليه ما تعلقون كثير ؟! وفي ناس تقرأ ومو متابعتني ؟! والله زعلتوني 😔🤌🏻

راضوني طيب ؟!!

....................................

بعد صلاة المغرب بالمستشفى..

كانت تضب أغراضها وأغراض عايض وترتبهم .. لأن بيطلعونه من المستشفى اليوم بعد شوي .. أما هو كان على السرير وملتهي بجواله .. انتبهوا للباب وهو يندق .. جت آسيا على جانب وتغطت بسرعه .. وعايض ينتظر اللي يدق يدخل .. بس شافوا لمياء وهي جايه بأغراض آسيا من البيت .. شنطتها وكتبها ومريولها وكم غرض .. طلعت آسيا لخارج الغرفة ومعها لمياء وتركوا عايض لحاله ..

آسيا : ( وهي تتناول من يديها الشنطة ) مشكوره ما قصرتي

لمياء : ( وهي مو عاجبها تصرف آسيا ) آسيا يعني خلاص ؟!

آسيا : ( مستغربه ) وش اللي خلاص ؟

لمياء: ( تطالع بعيونها ) خلاص بترجعين معه ؟ .. هذا اخر قرار لك ؟

آسيا : ( واثقه من كلامها ) اييه .. برجع معه .. لا تتصرفين مثل امي يا لمياء .. الانسان طيب وما به عيب عشان اتطلق منه .. وانتي بعد زوجك او خطيبك اللي هو برضو انسان طيب ورجال وماله يمين يسار ..

لمياء: ( وهي تتذكر الليلة اللي شافته فيها وهو سكران .. ضحكت بسخريه في داخلها لما قالت اختها - ماله يمين ويسار - ما تدري ان حميد يشرب ويسكر ) قرارك وانتي ادرى بمصيرك .. الله يوفقك .. وامي وش بتسوين معها ؟

آسيا : ( وهي تتنهد بضيق) بترضى .. بترضى مع الوقت ..

لمياء : ( ضاع كلامها وهي تشوف حميد جاي من خلف آسيا ) وشلونه حميد .. أقصد عايض وشلونه الحين ؟

آسيا : ( ضحكت بداخلها على اختها وقالت ) باثنينهم طيبين .. عايض وحميد

لمياء : ( ضربت كتفها وهي منحرجة من نفسها ) ما اقصد كلجت وبس

آسيا : عادي خطيبك .. ( وبصوت شوي مرتفع ) يا ليل بدينا حركات الحب والخجل ذي ؟! .. تفكرين في حميد لدرجة تخربطي في الكلام وتقولين اسمه ؟

لمياء : ( تحول لونها ازرق واصفر واحمر وكل الالوان وهي تشوف حميد ملامحه تتغير والظاهر سمعهم !! .. ضربت آسيا بسرعه وقالت ) يقطع شكلك فشلتيييني .. أكيد سمعك .. يا ثوله

آسيا : ( طالعت وراها وانصدمت بضحكة وهي تنضرب بخفه من لمياء .. قالت وصوتها يرتفع شوي) خليه يدري ان زوجته تحبه

لمياء : ( مكشره وبضيق من تصرفات اختها وتعمدها ترفع صوتها ) خلااص اسكتي .. ادخلي مع زوجك وفكينا