حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 33 -

عند آسيا /

.. خذت نفس ودخلت للصف بنص الحصة .. كل الأنظار المنصدمة عليها .. من اصغر وحده في الصف لأكبر وحده وهي الأبله .. كانوا الكل يطالعون فيها بصدمها وفيهم ريماس اللي انصدمت من قدوم آسيا وهي في بالها تفكيرات كثييير .. مثل هل طلقها عايض ؟! وش صاير بينهم ؟! .. راضته ؟! .. وغيرها من الأسئلة اللي جت في بالها وقتها .. كانت تبي تكلم عايض بخصوص آسيا اول ما تزوجها لكن ما سمحت لها الفرصة .. كان يصرفها بأي طريقة..

قطعت لحظات الصدمة المعلمة وهي تسرع وتضم آسيا وتسلم عليها وتستفسر عن أحوالها قدام البنات .. قاموا البنات والكل قام يسلم عليها إلَّا ريماس اللي كانت جالسة وتسوي نفسها مو مهتمه .. البنات لاحظوا برود ريماس مع آسيا بس ما تكلموا والكل رجع لكرسيه يكمل درسه .. خرجت آسيا كتبها ودخلت مع المعلمة جو الدراسة .. طبعًا كل الأنظار عليها .. شاكين في وضعها وقطعتها من كل ناحية حتى جوالها له شهرين مقفول ..

مر اليوم طبيعي إلى ان صار وقت الفسحة .. طبعًا في بنات ما زالوا شاكين في وضع ريماس وآسيا لأن حتى حرف مع بعض ما تكلموا .. وفي بنات طنشوا الموضوع وسحبوا آسيا معهم لحتى يشبعون فضول أسئلتهم .. طبعًا آسيا ما قالت للبنات اللي صار لها أو عن زواجها بس كل اللي قالته هو ان عندها ظروف صحية وخلاص .. كانوا البنات يمشون ومعهم آسيا إلى ان صادفوا في طريقهم ريناد اللي ابتسمت بوقاحة في وجه عدوتها آسيا ..

ريناد: ( وهي تمر من جنب آسيا وبصوت واطي قالت ) كيف حياة الكابلز يا عمري ؟!

لون آسيا تغير تمامًا .. بتفضحها عند البنات وبتصير سيرتها على كل لسان والكل راح يعرف انها تزوجت .. بس لحظه !! .. ريناد وش دراها ؟! .. وش اللي جاب خبر زواج آسيا لعندها ؟! .. اشتغل مخ آسيا يفكر ويعصر نفسه .. لا تكون وراء اللي صار لها .. على طول شالت بخاطرها ضغن كبير على ريناد فوق اللي شايلته لها من القبل .. كانوا البنات مو فاهمين ولا أي شيء وخصوصًا ان كلام ريناد صدمهم .. حاولت آسيا تتدارك الوضع بسرعة وترقع اللي سوته ريناد من مصايب ..

آسيا : ( بضحكة مصطنعه تحاول تصرف الموضوع ) وش تخبص ذي ؟!

تجاهلوا البنات الموضوع وكملوا تفتلهم طبيعي مع آسيا وباقي البنات ..

آسيا /

وأخيرًا أحد الأشياء اللي كانت شاغله بالي انحلت .. بس هذي ريناد من وين طلعتلي بعد ما أكبر اهتماماتي وأكثر شي أحاتيه تصلح ؟! .. وبعدين هي وش دراها عن زواجي وحياة الثنائي ؟! .. عقلي ضرب على الآخر أول ما سمعت هالكلمات منها .. خفت تفضح كل شي عني قدام البنات .. هذا وانه في مره من المرات كان ما بيننا نقاش وتعمقنا فيه مع بعض .. كان عن الزواج بعمر صغير وكنت ضد هذي النقطة وكنت ولا يمكن اني أتزوج بعمر صغير .. طبعًا ما كان بارادتي بس الظروف اجبرتني ..