حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 43 -

لاحظت شي .. اتوقع ام آسيا بالبدايات كان اسمها فاتن من متى صار اسمها بدرية 😂 ؟! طنشوا طنشوا بس الشخصيات كثير ونسيت 😂

بسوي تعديلات لمن اختتم الروايه وقد ما اقدر اعدل الأخطاء الإملائية !

اللي للحين مو متابعني ، تابعني وحطوا نجمه أريد دعم كثيير بالنهاية فرحوني بلايكاتكم ومتابعاتكم 🥹🌸..

استمتعوا بالبارت ..

...................

ريماس /

البنت تتجاهلني ولا طاقه لي خبر .. تتهرب من الأماكن اللي اكون فيها .. حتى البنات مستغربين منها .. وتعبااانه !! .. واضح عليها .. عيونها منفوخين وجسمها ذبلان واضح مو ماكله شيء .. خذيت كيس شيبس من شنطتي وحطيته بطاولتها لعل وعسى ترحم حالها وتاكل شوي .. وأخوي الله العالم بحاله .. ضايق ويقول بيطلق خلاص !! .. خطتي في الشاليه ما ضبطت شكلها ! .. عايض بس يداوم يرجع البيت وينام ويصلي .. طول هالثلاث أيام .. وحالته قبل اسبوع كانت اهون من حالته الحين .. الحب صاعبهم !! .. كنت اتمنى يتسامحون وترجع آسيا تعيش عنده بنفس البيت لكن وش صار وخلاهم يقررون يتطلقون ؟ .. الله المستعان والله يعينهم ..

طلعت من المدرسة بس هالمرة كان حميد ينتظرني ومعاه أمجد .. ركبت السيارة ورجعنا للبيت .. وقبل ادخل الحمام ابدل ملابسي انسدحت بتعب وفتحت جوالي .. فرفرت ففي هالبرامج وفجأة أشوف رقم غريب على جوالي ! .. ومرسل لي قصيدة !! .. انخرشت وأنا أقراها ورغم اني احب الشعر واهواه واعتبر حافظتهم كلهم إلا ان هالقصيدة أول مره أشوفها .. كانت تشرح حال واحد معجب لما شافني صدفه ..

ساهِرٍ أفكر فيك والكل غافِــي
صدفةٍ شفتك مثل المزون المطيرة
نور برقَة ظهر فِي كل أطرافـــي
هلت علي ريماس مثل السما المطيره
من يوم شفتك وطيفك ما يخليــني
فـي كل يوم يجي ويروح من حِـيـنه
لعبتي في صميم أوتار قلـــبي
ظروف اللقاء بيني وبينك مستحيله !
وش خلاك تظهرين بطلتك قدامي ؟
أذيتي قلبي اللي حبك في يوم وليله ..

كنت مخروشه وكنت في لحظة بطلع وأحظره من جوالي بس كملت قراءتي للقصيده للأخير .. والكلمات تاخذ مكان في خاطري .. مدري منو ذا ووش يبي فيني ووش هالقصايد اللي راسلهم لي .. ومن وين جاب رقمي أساسًاااا ؟!!! .. مسكت جوالي وقفلته وتركته على جانبي وطالعت في السقف وانا مرعوبه بنفس الوقت فيني شعور غريب وانا ودي اعرف منهو ذا ووش يبي فيني ؟ .. وليه يتغزل وحالته حاله ؟!!! .. قمت من سريري ورحت أتسبح وبالي في مكان ثاااني .. والفضول معتليني .. من هذا ووش يبي ؟ .. اول مره يصيرلي هالموقف وأتوهق برساله مثل ذي .. بس كل اللي ابي اعرفه الحين من ذا ؟ .. ووش دراه باسمي من الأساس .. ومن زود تفكيري في الموضوع توصلت لقرار صحييح بالمره .. لازم أبلكه وأحظره من جوالي .. لا يصيرلي مثل ما صار لآسيا !! ..