حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 47 -

مــسَاء الســّـرور علَــيكـم أحبّــتــي 🤍!!
بارت جديد وأحداث جديدة !! كل الحُــب .. قراءة مـمـتِعة !!!
عــذرًا علـَى التـَّأخــير !

.••.••.••.••.••.••.••.••.••.••.••.••.••.••.••.••.••.••

لمياء /

يا ربي يا حبيبي !! .. ظليت واقفه وسط المجلس وأطرافي ترتعد !! .. مدري ليه دموعي يصبون ومدري ليش حاسه بشعور غريب بداخلي !! .. هذي أول مره بحياتي أحتك فيها مع رجال مو واحد من اخواني!! .. تعدى حدوده هالحميد !! .. قرابة الخمس دقايق وأنا بلا حركة .. أطالع الباب اللي طلع منه وأنا مصدومة من الكلمات اللي قالهم !! .. يهدنني مدري وش ! .. نبرته تقول أنا متحكم فيك خلاص ! .. ما أنكر !! .. اني كنت معجبه !! .. بس افعاله كلمالها وتصدمني .. يمسكني من خصري وبلعت لساني ولا تكلمت !! .. يبوسني كذا بلا مقدمات هذي برضو ما قدرت أرد عليها .. غير بدموعي !! .. لكن يسحبني له ويقعد يهدد ذي ما تمشي معي !! .. لو كان يبي يطلع طوري أنا جاهزة أرجعله أضعاف المضاعفة !! .. صح اني صياحة وبكايه بساقدر ارد عليه مو من ضعف شخصيتي بس لأن كذا عادتي !! .. ما تغليت عليه ولا شيء بس أفعاله هي اللي تجبرني أتصرف زي كذا !!

قال أترك الخمر قال .. وش يفيد يا ماما بعد ما خلطت دمك فيه ! .. يحمد ربه سترت عليه وخبيت عمايله ولا كشفتها لأهلي حشمة فيه وتفضل مني له ! .. عمومًا وقفتي بالمجلس مر عليها دقايق وأنا أحاول أستوعب ان اللي كان بجانبي قبل شوي هو زوجي !! .. ما تحملته دقايق أتحمله الدهر كله !! .. ما ظنتي نتفق بشيء ابد !!!!! .. ريحة العود علقت فيني بسبب احضانه وحركاته اللي ما يستحي .. لو طلعت الحين امي واخواتي وش يقولون ؟! .. أستغفر الله بس .. اذا هو راح وترك ريحته فيني فأنا رح أوافق على هالزواج لوقت ما أأمن مستقبلي واشتغل ثم اترك فيه ريحتي وجعله ما ينساها !!!

قطعني مالك وهو يدق الباب .. التفتت له وغيرت ملامحي تمامًا وابتسمت .. هو استغرب وين حميد بس رضيت فضوله على طول وقلت انه راح .. طلعت من المجلس وكنت بروح غرفتي بس قطعتني أمي وهي مستانسة والبسمة شاقه وجهها ..يوووه يا يممه ما ودي امسح هالبسمة والبشاشة من وجهك عشانك بس وعشان اهلي رضيت في هالمستقوي ! .. خلفها واقفه آسيا تغمزلي وحالتها حالة هالثانية .. ضحكت وانا أمثل الخجل وجاوبت على الأسئلة اللي جلسوا يطرحوها لي ! .. كيفه معك ؟ .. سولفتي معه ؟ .. اتفقتوا ؟ .. وين العرس ؟ .. وغيرها كثيييير أشياء وكل هالأسئلة جاوبت عليهم بكذبه !!! .. ربي يغفر لي بس ما يدرون ان كل اللي صار مصخررره منه حرفيًا !! .. مستعجل على رزقه الولد .. يحضن ويبوس وين عايشين احنا ؟! .. لو انه أدري يحل لي بس باقي ما صرت حلاله رسميًا !!! .. بس اللي أنا مستغربة منه هو ان عمره كبير يعني بحدود العشرينات ليه للحين ما تزوج ؟!! - لمياء ما تدري ان حميد مطلق !! - ما يهمني الحين كل اللي أدعي فيه ربي يكتب لي الخير لعمري قدام ،.