حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 15 -

قبل كم دقيقة..

ريماس: هااه آسيا بتروحين تشوفين أخوك ؟!

آسيا : ايوه ريماس والله قلبي ناغزني

ريماس: طيب بجي معك

آسيا : لا مافي داعي بروح بروحي وبخلي السايق يجي وراء المدرسة وبروح على طول للبيت انتي لا تحاتين باي أشوفك بكرة

راحت آسيا مع سواقها بعد ما دقت عليه حتى يمر عليها هي بالأول بعدين لأخوها ، وراحوا لوراء مدرسة العيال ..

صار اللي صار وانكشفت حقيقة مالك لآسيا ...

ركبت السيارة وهي تجر خلفها أخوها وتتوعدله بنقاش ما راح يطلع منه ..

عم الصمت في السيارة وآسيا بس تطالع في أخوها بعصبية وفي نفس الوقت حزنانه عليه لأنه طاح بشباك المراهقين المتهورين ..

وأخيرًا قطع صمت السيارة صوته ..

مالك : ( بتردد ) آسيا .. والله للحين ما شيشت والله

آسيا : يالغبي وش هالسوات يلي طلعتها الحين علينا ، وش بيقولون الناس لو قفطوك ؟!

مالك : ( وهو يترجى آسيا ) تكفين آسيا لا تعلمين أمي ولا مساعد راح يذبحوني

آسيا : ( وهي تطالع من شباك السيارة ) للأسف هذا اللي بيصير

مالك :( بنبرة وكأنه بيصيح ) لااا آسيا تكفين لا مساعد ما راح يرحمني وأنا تراي ما سويتها للحين والله هم اللي قالو لي أجرب

آسيا : ( وهي تطالعه بحاجبها المرفوع ) ما شاء الله وانت تسمع الكلام أخوي المطيع

مالك : آسياااااا تكفين لا تعلمين أحد

آسيا : والحين هذاك العسكري درا عنك ويمكن بأي لحظة يتصلون بشؤون ولي الأمر ويبلغ عليك

مالك : تكفين لا تخوفيني كثر ماني خايف الحين

آسيا : طيب انت عارف ان هذا غلط ليش تسويه ؟!

مالك : في لحظة وافقت بس والله ما كان عقلي معي والشيطان وسوس لي

آسيا : اسمع اياني واياك أعرف عنك تحوم حولين أشياء مثل هذي فهمت ؟! لأن والله إني مراقبتك وأعرف كل شيء عنك يا مالك ، لا تحاول تسوي مثل هالأشياء مرة ثانية

مالك : تووووبه تووووبه أعيدها والله ما بعيدها بس انتي لا تعلمين خليه بيننا

آسيا : اممممم ...... طيب بس أول مرة وآخر مرة وقد أحذر من أنذر لا تعيدها فاهم ؟!

مالك : ( وهو يبتسم ) والله ما راح أعيدها تووووبه قلت لك

آسيا : اشوى اني لحقت عليك قبل لا تسويها يالغبي

زادت آسيا حدة صوتها وقالت ..

آسيا : قسمًا عظمًا يا مالك وتعيدها راح تشوف شي ما يسرك وموتك على يد مساعد ان شاء الله