حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 23 -

.•.•.•.•.•.•.•.•.•.•.•.•.•.•.•.•.•.•.•.•.•.•.•
بسم الله الرحمن الرحيم وبارت جديد ✨ ٠٠٠

• بارت طويييل مره اهداء لكم enjoy 💕
لا تقولون تأخرت لأن هالبارت يعوضكم عن
مليون بارت من طوله

• عزيزي القارئ فضلًا وليس أمرًا حط لايك 🫶🏻
.•.•.•.•.•.•.•.•.•.•.•.•.•.•.•.•.•.•.•.•.•.•.•

آسـيا /

من بعد ما خرجت أمي من غرفتي وأنا ما زلت أنوح وأصيح في الأرض الباردة .. اللي كنت أحسبها رح تضمني وتدفيني وتتفهمني .. هي بعد مو مصدقتني .. طحت من عين الكل وأنا ما يلي ذنب في اللي صار هذا كله .. قمت ولبست شرشف الصلاة وصليت صلاة المغرب ودعيت ودعيت وتمنيت فيها اكربي يفكني من كربتي هذي ..

دخل وريته ما جاء .. تمنيت الأرض تنشق وتبلعني في هذي اللحظة .. علامات العصبية على وجهه .. وأنا على سجادتي رافعة كفوفي لربي أستنجد فيه .. من لـي غيرك يا رب .. أمرني بصوت مبحوح رجولي عصبي ناوي للشر ..

مساعد: يالله قدامي والبسي عباتك بتروحين لحبيبك

وش سويت غير انني انفجرت صياح ونياح وصراخ بس ما في منهو فاهمني .. نزلت راسي على السجادة وأنا أصيح وأترجى مساعد ..

آسيا : ( بشهاق مترجي ) تكفى .. تكفى يا اخوي يا قلبي انت تكفى .. لا ترميني للغريب رجيتك وطالبتك يا اخوي انا اختك من لحمك ودمك لا ترميني عليه أرجووك

ناظرني وعاد كلامه يأمرني من جديد وأنا ماني شايفه قدامي غير ان حياتي انتهتتت !! ..

مساعد: ( بصراخ ) قلت لك امشي قدامي لا تعاندين احمدي ربك للحين عايشة

آسيا : الموت أحسن من اللي بتسويه يا مساعد.. اذبحني وفكني من الدنيا هذي

تقدم ناحيتي .. كنت أشوفه وهو يقترب .. هو مو بس معصب .. لااا هو ناويلي نية .. صار اللي توقعته .. كف على وجهي نزل بأقوى ما عنده .. اتوقع كسر فكي .. حسيت بشفتي تنزف .. وبما انه شرشف الصلاة على راسي .. مسك ملابسي وسحبني فيها إلى ان انشقت من الطرف .. قومني من على شعري وسحبني وشدني لوجهه وضــــحـــك !!!! .. كانت عيني الغرقانه بالدموع في عينه الشرسة .. ولا فكر حتى ولا حس لوهلة ان أنا اخته .. الغضب يعميه .. غيرته على أخته اللي هي أنا خلته ما يشوف قدامه ! .. رفع يده وغمضت عيني بسرعة تحسبًا للكف اللي رح يهطل على وجهي .. لكن عكس توقعاتي فهو مسح النزيف اللي على شفتي باصبعه لكن بدفاااشه أوجعتني .. قال بنبرة متوعده وكلها تهديد ووعيد ..

مساعد: اياني واياك تنطقين كلمه وحده بس لعماني تحت .. جايين يسلمون عليك ويباركولك لزواجك اللعين ذا .. والله يا آسيا والله وتقولين شيء رح أذبحك وامسح فيك الأرض فاهمة ؟! .. وترا عمِّي بدر موجود يعني إذا قلتي أي شيء من اللي بيني وبينك وبين حبيب قلبك اعرفي انك ذبحتي نفسك بنفسك وحبيبك بعد .. تنزلين الحين بعد ما تلبسين شي زين وتسلمين وتحبين راسهم وكأن شيء ما صار .. فاهمة ؟! ( بصراخ بعد ما كانت آسيا ساكته ولا ترد ) فاااهمة ؟!!!!