حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 32 -

دخلت أسيل وتركت حميد بالخارج .. وفور دخولها للبيت .. عند حميد دخل عايض وهو منحاس حوسه .. معصب وحالته حاله وكأنه متهاوش مع أحد .. كان يصارخ باسم أسيل ويناديها .. استوقفه حميد وهو يمسكه ..

حميد ؛ ( مسكه وصرخ فيه ) وش فيييك !!؟؟؟؟ .. اسكت فضحتنا الحي كله سمعك .. وش بيقولون عن اختك اللي تصارخ باسمها

عايض: ( ينافخ ) فكني .. قلت لك فكني

حميد: البنت سوت شي ؟! .. علمنييي عايض!!

عايض: مو هي اللي مسويه .. زوجها اللي مسوي .. قليل الادب

حميد: ( بهدوء يحاول يتناقش مع اخوه ) هدي توني مرجعها من المستشفى

عايض: ( بصدمه ) ليه وش فيها ؟!

حميد: عايض .. أختك حامل !!

توقف عايض مكانه للحظة .. يستوعب اللي سمعه من أخوه .. السالفة كبرت الحين يعني ؟! .. حامل ؟! .. وتبي الطلاق !!

عايض: ( باستغراب وذهول ) لحظة ؟ .. وش قلت ؟

حميد : أسيل حامل يا عايض .. انت علمني وش صاير وخلنا نحلها بهداوه

عايض: ( وهو يطلع من البيت معصب ) أنا وين في حياتي حصلت الهداوه .. الله المستعان بس .. وانت ( لف باتجاه حميد ) جهز نفسك لبكره

وطلع من البيت وهو مو داري وين يروح .. هو توه طالع من عند آسيا بعد هواش وكمان مره هواش في الاستراحة !! ..

.......................

قبل ساعتين ..
عند عايض /

طالع من الشقة بعد ما صارله الموقف عند آسيا .. هذي اول مره كان النقاش حساس وكان يمكن يكون فيه اعترافات لولا تمالك عايض وخروجه من الغرفة .. ساق سيارته للمكان الوحيد بعد شقته وبيت ابوه واللي هي الاستراحة .. تضفه وتضف ربعه في رمساتهم وطبخاتهم .. وشهدت على سوالفهم ولعبهم .. نزل من سيارته ودخل للاستراحة .. في وجهه ثلاثة من ربعه .. وهو الرابع وثامر ناقص ! .. جاء وجلس معهم يتطمن عن أحوالهم ويسأل عن أخبارهم ومن هالكلام .. مر الوقت عليهم وسأل ..

عايض: إلَّا شباب ما قلتولي تعرفون ثامر وين فيه الحين ؟

واحد من ربع عايض - مهدي - : ( بضحكة ) تلقاه الحين مع زوجته الجديدة .. والله و يا ثامر صار عندك زوجةٍ ثانية .. تاكل وتطقطق معها وسحبت على المسكينة زوجته الأولية

عايض: ( بصدمة وعصبية ) وش ؟! .. وش قلت ؟! متى تزوج الثانية ؟

مهدي : ( وهو يمد كاسة شاي لعايض ) ليه وانت ما كان عندك علم باللي سواه ؟!

واحد ثاني من ربع عايض: ثامر خذاله الثانية أمس ومسوي احتفال بعد لكنه صغيرون ومع عيلته بس .. سمعت أمي تقول ماخذ بنت خالته على ظنتي ..

مهدي : ( بضحكة ) هذا وانتو في نفس المكان تشتغلون ولا عندك خبر عنه ؟! ..

- مهدي ما يعرف ان ثامر ماخذ أخت عايض ! أما الباقيين كانوا فاهمين سبب نظرة عايض المعصبة .. -