حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 39 -

علقوا بين الفقرات وحطوا نجووم ،، وتابعني يا حلو اذا للحين مو متابعني 💫.
والحين استمتع بالبارت ..

..............................

ريماس/

من لما دخلت وأنا مو طايقه المكان .. ماني بخويه للجوهرة أو أي من رغد ورحاب .. لأن هالسنة بس منتقلين للرياض.. ولا كان بيني وبينهم أي تواصل من قبل .. لكن أسيل كانت تتواصل معهم كونهم من عمرها تقريبًا .. عارفه ومن زمان ان خالتي سارة كانت عيونها على عايض .. وكنت متوقعه يتزوج الجوهرة .. لكن انصدمت بخبر زواجه من أقرب رفيقه وصديقه لقلبي .. سألت عايض ليه وكيف تزوجها بس محد فيهم يتكلم ! لا هو ولا آسيا .. هذا اللي قاهرني في الموضوع .. جالسه وحالي حال نفسي .. كم سالفه وأسكت .. كانت كاشخة وطالعة بأحسن طلة فينا .. وفرحانه ؟! .. هي كانت من جد تعتبرني صديقة أو راح فكري بعيد وكان هدفها عايض وبس ؟ .. كنت ألاحظ غيرتها على عايض اول ما ينطري اسمه على لسان البنات .. بس وأخيرًا خلصت هالعزيمة .. ما بغينا ننفك من الجوهرة وسوالفها الغثيثة .. ورغد ورحاب اللي ما ينبلعون من الأساس .. وآسيا اللي ساكته وبس تسلك لعمتي سميره ..

سلمنا على عمامي وراحوا الضيوف .. بقي انا وأمجد وحميد وروزينا نساعد عايض وآسيا في شغل البيت .. بس وينها ؟ .. اختفت وما شفتها .. جلست بالصالة أطقطق بجوالي ودخل عايض وشيك على الصالة ودخل من بعده حميد .. كان يتأكد ما اذا آسيا في الصالة معي أو لا .. جلسوا معي بالكنب وهم يسولفون في البيت وعايض يرمي أفكاره وحميد يبي من عايض يعطيه جناح لخطيبته اللي توني دريت عنها بس عايض رافض الفكرة .. طبعًا عشان آسيا لا تطلع في وجه حميد وياخذون راحتهم .. أدري ان عايض متحفظ جدًا ويكره جدًا لما يشوفني أنا بالذات اذا قد طلع مني شعره أو ما تغطيت .. يعني غيور بزياده هذا وأنا أخته وشو مع آسيا ؟ .. وبخصوص زواج حميد أو خطيبته مدري وشو ما اذا كان خاطب ولا بس يمزح عمومًا ما اهتميت ولا سألته لأني دايم آخر من يعلم بالأخبار والكل متجاهلني تماماً .. طلع عايض للحوش يشوف ما اذا العمال راحوا أو باقي .. رجع وهو يقول بطنازه ..

عايض: ( يضحك ) انقلعوا من بيتي انت وهي

حميد : البيوت تغير النفوس

عايض : ( كشر وعلامة تقزز في وجهه ) اسكت تكفى .. أظنها كانت الفلوس تغير النفوس وش دخلك تحرف فيها ؟ .. انت بالذات انقلع وريماس لو تبي تبات  عادي بيت أخوها

حميد : ريماس بيت أخوها وأنا وش ؟! تبريت مني يالسبك .. ( تمدد على الكنب ) ببات هنا اليوم أحسني تعبان

عايض: ( رماه بالوساده ) بيتك 7 دقايق وتوصله قوم ورح نام هناك

حميد : ( طالع في ريماس ) شوفي أخوك يطردنا

ريماس: صدقه عايض .. وش تبي ببيوت الناس .. قم نام ببيتك .. تبي تنشب من يومك يالنشبه .

عايض: ( يضحك ) الققققم