حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 31 -

عايض /

رجع للشقة بعد صلاة الجمعة .. انصدم لما شاف حضرتها لابسة عبايتها والظاهر تنتظره ... قامت وشافها تتوجه صوبه .. وبكل ميانه قالت !! ..

آسيا : عايض الله يرضى عليك قوم نطلع .. طفشت من زمان ما رحت مكان .. ودي نطلع أنا وانت ونتغدى أول غداء لنا برا .. وبعدها أروح السوق وأبي أشتري لي أغراض ناقصتني .. أوعدك بيجي يوم وأردها لك وأطبخلك بيدي ( ومسكت يده وبابتسامه ) الله يخليك الله يخليك ..

تصرفاتها في الفترة الأخيرة مستولية عقله .. معقول رضت باللي جاها من الله ونصيبها في هالدنيا .. ولا انه شطانه وتدبير منها ؟؟ .. الله العالم وش اللي مخباي وراء هالابتسامه ..

طال صمته وهي ماسكة يده .. لاحظت على نفسها وتركتها ولكن عيونها مازالت تنتظره يقولها قراره ..

عايض: ( وهو يطلع ) خلاص مشينا

قبل تطلع آسيا لف باتجهها وحام بعيونه يتفقد منظرها .. ما راقله كيف انها من غير نقابها .. على طول ارتسمت ملامح العصبية على وجهه..او انها غـــيــرة ؟! .. وقف واعترض طريقها وهي استغربت تصرفه ..

عايض: ( بحده شوي ) وين نقابك ؟

آسيا : ( وهي مستغربة ) ما لبسته

عايض: وليه ان شاء الله ؟! .. روحي البسيه ومن غيره مافي طلعة

آسيا : ( وهي ترمقه ) ان شاء الله ان شاء الله

راحت ورجعت وهي عليها نقابها .. ارتاح مع نفسه وابتسم من داخله .. امرها تمشي وراه وطلعوا من العماره .. مر الوقت وهم يفرفرون بالشارع متوجهين للمول بس اعترضه صوتها ..

آسيا : ( بفجائية ) وقف وقف !!!!! هنااا !!

عايض: ( وهو يوقف بسرعة ولف بعصبية صوبها ) وششش فيييك ؟!!!!

آسيا : ( تغيرت ملامحها للبراءة ) أبي هالمطعم ( وهي تأشر لمطعم يمني )

عايض: ( ما زال معصب ) كل ذاا عشان مطعم ؟ .. أشوى ما بغينا ندعم بس عشان بطنك ذا

آسيا : ( بتحلطم ) جوعانه وش أسوي .. اياام وأنا ما آكل زي الأوادم اذا انت كنت تاكل زين

عايض: الظاهر مو عاجبك ها..

اسيا: ( وهي تمسك ذراعه ) خلاص خلاص لا تعصب بس أبي أتغدى

عايض: ان شاء الله .. أشوف نهايتها معك بس ( وكمل سواقته ووقف جنب المطعم )

آسيا : انزل

عايض: ( مستغرب ) وين ؟

آسيا : داخل المطعم نبي نجلس جلسة عربية